ధ్వని తరంగిణి :
శంకారూపేణ మచ్చిత్తం పంకీకృతమభూద్యయా |
కింకరీ యస్య సా మాయా శంకరాచార్యమాశ్రయే ||1||
ప్రహ్లాదవరదో దేవో యో నృసింహః పరో హరిః |
నృసింహోపాసకం నిత్యం తం నృసింహగురుం భజే ||2||
శ్రీసచ్చిదానంద శివాభినవ్యనృసింహభారత్యభిధాన్ యతీంద్రాన్ |
విద్యానిధీన్ మంత్రనిధీన్ సదాత్మనిష్ఠాన్ భజే మానవశంభురూపాన్ ||3||
సదాత్మధ్యాననిరతం విషయేభ్యః పరాఙ్ముఖమ్ |
నౌమి శాస్త్రేషు నిష్ణాతం చంద్రశేఖరభారతీమ్ ||4||
వివేకినం మహాప్రజ్ఞం ధైర్యౌదార్యక్షమానిధిమ్ |
సదాభినవపూర్వం తం విద్యాతీర్థగురుం భజే ||5||
అజ్ఞానాం జాహ్నవీతీర్థం విద్యాతీర్థం వివేకినామ్ |
సర్వేషాం సుఖదం తీర్థం భారతీతీర్థమాశ్రయే ||6||
విద్యావినయసంపన్నం వీతరాగం వివేకినమ్ |
వందే వేదాంతతత్త్వజ్ఞం విధుశేఖరభారతీమ్ ||7||
