శ్రావణ పూర్ణిమ - హయగ్రీవ జయంతి - Shravana Purnima - Hayagriva Jayanti

శ్రావణ పూర్ణిమనాడే హయగ్రీవ అవతారం ఎత్తి వేదములను విఘ్ణవు సంరక్షించాడు, అందుకే హయగ్రీవ పూర్ణిమ అంటారు. హయగ్రీవుడు జ్ఞానానందస్వరూపుడు. పిల్లలు హయగ్రీవుని పూజించడం వలన విద్యాభివృద్ధి కలుగుతుంది. 

పూర్ణిమ నాడు హయగ్రీవ పటం కానీ, విగ్రహం కానీ పెట్టి పిల్లలతో పూజ చేయించాలి. హయగ్రీవ మంత్రాన్ని చెప్పించాలి. ఇలా చేయటం వల్ల పిల్లలలో జ్ఞానం పెరుగుతుంది. మాతృ, పితృ భక్తి పెరుగుతుంది. పిల్లలు ఉత్తములుగా మారతారు. 

ఈరోజు ఏడు తోరములను (ముడి) కలిగిన దారం తయారు చేసి గౌరీదేవి ముందు పెట్టాలి♪. యథాశక్తిగా పూజించాలి. పసుపు, కుంకుమ బొట్లు పెట్టాలి. పూజ అయ్యాక స్త్రీ లు అయినా, పురుషులు అయినా కుడిచేతికి తోరమును కట్టుకోవాలి. ఇలా చేయటం వల్ల విజయం లభిస్తుంది. శత్రుబాధ తగ్గుతుంది. 

ఈరోజు తప్పనిసరిగా జంధ్యం మార్చుకోవాలి. అందరూ గాయత్రీ జపం చేయాలి. ఉపనయనం లేని వారు, స్త్రీలు చేయటానికి దేవీభాగవతంలో శ్లోకం ఉంది. గాయత్రీ జపం వల్ల అనేక యజ్ఞములు, యాగములు, దానములు చేసిన ఫలితం లభిస్తుంది. 

(బ్రహ్మశ్రీ వద్దిపర్తి పద్మాకర్ గారి ప్రవచనములు మరియు శ్రీమతి శ్రీవిద్య గారు, కవయిత్రి రచించిన వ్యాసవిద్య అనే పుస్తకం నుంచి సేకరించిన సమాచారం)