తెరుచుకున్న కేదార్‌నాథ్ పుణ్య క్షేత్రం తలుపులు !

   దీంతో పాటు యమునోత్రి, గంగోత్రి యాత్ర కూడా ప్రారంభమైంది. మే 12న బద్రీనాథ్ తలుపులు తెరుచుకోనున్నాయి. కేదార్‌నాథ్ శివయ్య భక్తులకు అత్యంత ఇష్టమైన ప్రదేశం. భక్తీ విశ్వాసంతో పాటు, ఇక్కడ ప్రకృతి అందాల అద్భుతమైన దృశ్యాలను వీక్షించవచ్చు. ఉత్తరాఖండ్‌లోని కేదార్‌నాథ్ ఆలయాన్ని సందర్శించడం వెరీ వెరీ స్పెషల్. ఇక్కడున్న కేదారేశ్వరుడిని దర్శనం చేసుకోవాలని చాలా మంది కలలు కంటారు. అయితే ఎవరైనా మొదటి సరిగా కేదార్‌నాథ్‌కు వెళ్తున్నట్లు అయితే తప్పని సరిగా ప్రయాణం చేసే విషయంలో జాగ్రత్తలు తీసుకోవాలి. ముఖ్యంగా కొన్ని జాగ్రత్తల గురించి తెలుసుకోవడం చాలా అవసరం. ఈ రోజు కేదార్‌నాథ్ కు వెళ్ళే సమయంలో గుర్తుంచుకోవలసిన ముఖ్యమైన విషయాలను గురించి తెలుసుకుందాం..

కేదార్‌నాథ్ యాత్ర వాస్తవానికి హరిద్వార్ లేదా రిషికేశ్ నుంచి మొదలవుతుంది. రైలులో హరిద్వార్ చేరుకోవచ్చు. అక్కడ నుంచి మరింత ముందుకు వెళ్ళడానికి టాక్సీని బుక్ చేసుకోవచ్చు లేదా బస్సులో కూడా వెళ్ళవచ్చు. హరిద్వార్ నుంచి సోనప్రయాగ 235 కిలోమీటర్ల దూరంలో ఉండగా, గౌరీకుండ్.. సోన్‌ప్రయాగ నుంచి 5 కిలోమీటర్ల దూరంలో ఉంది. రోడ్డు, టాక్సీ లేదా బస్సు ద్వారా ఇక్కడికి చేరుకోవచ్చు.

దీన్ని దాటి 16 కిలోమీటర్లు నడవాల్సి ఉంటుంది. ఇప్పుడు విమాన సేవ కూడా అందుబాటులో ఉన్నాయి. ఎవరైనా ఈ సేవలు బుక్ చేసుకోవాలంటే IRCTC వెబ్‌సైట్ నుండి టిక్కెట్‌ను బుక్ చేసుకోవచ్చు. చార్ ధామ్ యాత్ర కోసం వెళుతున్నట్లయితే, ఖచ్చితంగా ఆన్‌లైన్ రిజిస్ట్రేషన్ చేసుకోవాలి. నమోదు చేసుకోవడానికి, ఈ లింక్‌పై క్లిక్ చేయండి:- https://registrationandtouristcare.uk.gov.in/signin.php

కేదార్‌నాథ్ వెళుతున్నట్లయితే కనీసం 5 నుండి 6 రోజుల సమయం తీసుకోండి. దారిలో అనేక హోటళ్ళు, ధర్మశాలలు లేదా అతిథి గృహాలు కనిపిస్తూనే ఉంటాయి. అయితే వీటన్నింటినీ ముందుగానే బుక్ చేసుకోండి. కేదార్‌నాథ్‌లో ఉండేందుకు ప్రత్యేక సదుపాయాలు లేవు. అటువంటి పరిస్థితిలో మార్గంలో అడపాదడపా ప్రయాణించడానికి ప్రయత్నించండి.