శ్రీ రామ నవమి రోజున రాముడి నుదిటపై సూర్య కిరణాలు !

Sunrays on Rama's Forehead on Rama Navami Day

 

ఇప్పుడు మీరు చూడబోయేవి అద్భుత, అపురూప దృశ్యాలు. ఇవి రోజూ చూసే దృశ్యాలు మాత్రం కావు. అయోధ్య బాల రాముడికి అర్చకులు నిత్యం తిలకం దిద్దుతారు. అదే సూర్యుడే దిగి వచ్చి తిలకం దిద్దితే..! అదే జరిగింది. అయోధ్యలో కొలువు దీరిన బాల రాముడికి తన కిరణాలతో సూర్యుడే స్వయంగా తిలకం దిద్దాడు. ఈ సూర్య తిలక్‌ కార్యక్రమాన్ని దిగ్విజయంగా నిర్వహించారు. అయోధ్యలో రామ మందిర నిర్మాణం చేపట్టినప్పుడే శ్రీరామ నవమి నాడు సూర్య కిరణాలు. రామ్‌ లల్లా విగ్రహం నుదుటి భాగంలో ప్రసరించేటట్లు ఆలయాన్ని నిర్మించారు. త్వరలో శ్రీరామ నవమి రానున్న నేపథ్యంలో ఇవాళ బాల రామయ్యకు సూర్యాభిషేకం రిహార్సల్స్‌ను నిర్వహించారు. అది దిగ్విజయంగా జరగడంతో ఆలయ అర్చకులు, అధికారులు హర్షం వ్యక్తం చేశారు.