పాపమోచని ఏకాదశి వ్రతం, ఈ పాపాల నుంచి విముక్తి - Papmochani Ekadashi 2024

Papmochani Ekadashi 2024 Pooja Vidhanam: హిందూ క్యాలెండర్ ప్రకారం, చైత్ర మాసం కృష్ణ పక్షంలోని ఏకాదశి నాడు పాపమోచని ఏకాదశిని జరుపుకుంటారు. పాపమోచని ఏకాదశి రోజున శ్రీమహావిష్ణువును పూజించడం, ఉపవాసం ఉండడం వల్ల పాపాల నుంచి విముక్తి లభిస్తుందని నమ్ముతారు. ఇక అంతేకాక పాపమోచని ఏకాదశి తేదీ, ఆరోజు శుభ సమయం అలాగే పాపమోచని ఏకాదశి ప్రాముఖ్యతను తెలుసుకుందాం.

పురాణాల ప్రకారం ఏకాదశిని శ్రీ హరి స్వరూపంగా భావిస్తారు, అలా ఏకాదశి రోజున ఉపవాసం ఉండడం వల్ల మరణానంతర స్వర్గంతో పాటు ప్రాపంచిక సుఖాలు లభిస్తాయని నమ్ముతారు. ఇక పాపమోచని ఏకాదశి వ్రతాన్ని ఆచరించడం వల్ల పాపాల నుంచి విముక్తి సైతం లభిస్తుంది. పాపమోచని ఏకాదశి రోజున ఉపవాసం ఉండడం వల్ల బ్రహ్మహత్య, బంగారం అపహరించడం, మద్యం సేవించడం వంటి పాపాల నుంచి విముక్తి లభిస్తుంది.