ప్రకారాంతర కుండలినీ యోగ కథనం | Prakarantara Kundalini Yoga Story |

నేను చెప్పబోయే పద్దతిలో సాధన చేస్తే సాధకుడు దేవమయుడు అవుతాడు. మూలాధార చక్రంలో ఎంత వరకు కుండలినీ శక్తి నిద్రిస్తూ ఉంటుందో అంత వరకూ మంత్ర యంత్రాలను అర్చన చేసినా ఫలితాన్ని పొందలేడు. ఎడమ ముక్కులో, గాలి సంచరిస్తూ ఉండగా నిద్రించడమని, కుడి ముక్కులో గాలి సంచరిస్తూ ఉండగా మంత్రం మేల్కొనడమని భావించాలి. స్వాపకాలంలో అంటే ఎడమ ముక్కులో గాలి సంచరిస్తూ ఉన్నప్పుడు జపం చేసినా ఫలితం లేదు. కుండలినీ యొక్క ప్రబోధకాలాన్ని తెలియాలి. అనేక పుణ్యాల వలన ఆ కుండలినీ మేల్కొంటుంది. మంత్ర యంత్రముల అర్చన ఫలితం ఇస్తుంది. మంత్ర సిద్ది వలన పరబ్రహ్మ ప్రాప్తి. జీవన్ముక్తుడైన సాధకుడు దేహానంతరం పరమ నిర్వాణ లాభాన్ని పొందుతారు. సంసారాన్ని దాటడమే ముక్తి. ప్రాణాయామ, జప, యోగ, యజ్ఞాదుల ద్వారా, కుండలినీ నిద్రను విడిచి పెడుతుంది.