పంచాంగుళీ దేవీ సాధన | Panchanguli Devi Sadhana

దివ్యజ్ఞానం అంటే పూర్వం మన దేవతలు, దేవా ఋషులు తపోజ్ఞానం వల్ల అపారమైన శక్తిసంపదలు సాధించి, వాటి ద్వారా తమ త్రినేత్రాలను తెరిచి, సాధారణమైన నేత్రాలకు కనిపించని విషయాలను కనుక్కునేవారు. దానినే దివ్యజ్ఞానం అని అంటారు. ఈ దివ్యజ్ఞానం సంపాదించడానికి మరొక మార్గం 'పంచాంగుళీ దేవీ ధ్యానం'.

పంచాగుళీ దేవీ సాధనకు కార్తీకమాసంలో హస్తా నక్షత్రం ఉన్న సమయంలో, ఆ రోజు రాత్రి ఏదైనా శుభ ముహూర్తంలో సాధన ప్రారంభించవచ్చు, పంచాగుళీ దేవీ సాధన మార్గశిర మాసంలో హస్తా నక్షత్రం వచ్చినప్పుడు సాధన విరమించవచ్చు. ఏదైనా అనువైన స్థలం (స్వచ్చంగా, పవిత్రంగా, శబ్దాలకు, కాలుష్యాలకు దూరంగా)ఎంచుకోవాలి. నదీతీరాలు, చెరువుకట్టలు, గుడులు లేదా ఇంట్లోని ఏదైనా గాలీ, వెలుతురూ ఉండేది. స్నానం చేసిన తరువాత మంచి ముఖ్యమైన బట్టలు కట్టుకుని పంచాంగుళీ దేవీ సాధన చేయాలి.