కర్మయోగము - Karma Yogam Page - 7

“మనిషి కేవలము భగవానుని ఆదేశాలను, ఆతని శక్త్యావేశ సేవకుల ఆదేశాలను అనుసరించాలి. వారి ఉపదేశాలు మనకు సర్వశుభదాయకాలు. బుద్ధిమంతుడు వాటిని ఉపదేశించిన రీతిగా అమలు చేస్తాడు. అయినా వారి కలాపాలను అనుకరించకుండ మనిషి జాగ్రత్తవడాలి. శివుడిని  అనుకరిస్తూ ఎవ్వడూ విషపూరిత పానానికి  ప్రయత్నించకూడదు.” 

   ఈశ్వరుల స్థితిని, అంటే సర్యోన్నతులుగా సూర్యచంద్రుల గమనాన్ని నిజంగా నియంత్రించగలిగిన వారి స్థితిని మనము సర్వదా గుర్తించాలి. అటువంటి శక్తి లేనిదే పరమ శక్తిమంతులైన ఈశ్వరులను ఎవ్వడూ అనుకరించకూడదు. శివుడు సముద్రమంత విస్తారముగా ఉన్న విషాన్ని త్రాగాడు. కాని ఎవడైనా సామాన్యవ్యక్తి ఆ విషంలో కించిత్తు భాగం త్రాగడానికి యత్నించినా చనిపోతాడు. చాలామంది కుహనా శివభక్తులు గంజాయి పీల్చడం, అటువంటి. మాదకద్రవ్యాలను వాడడం వంటివి చేస్తారు. శివుని కలాపాలను ఆ రకంగా అనుకరించడం ద్వారా తాము మృత్యువును దగ్గరికి  పిలుస్తున్నామని వారు విన్మరిస్తారు. అదేవిధంగా శ్రీకృష్ణభగవానుని మిథ్యాభక్తులు కొందరు గోవర్ధన పర్వతాన్ని ఎత్తలేని తమ అసమర్థతను మరిచిపోయి ఆ దేవదేవుని రాసలీలలను, అంటే. ప్రేమనృత్యాన్ని అనుకరించడానికి ఇష్టపడతారు. అందుకే శక్తిమంతులైనవారిని అనుకరించడం కంటే వారి ఉపదేశాలను అనుసరించడం ఉత్తమము. అంతే కాకుండ యోగ్యత లేకుండ వారి స్థానాలను ఆక్రమించే యత్నం కూడ చేయకూడదు. భగవచ్చక్తి లేనట్టి భగవదవతారాలు చాలా ఉన్నాయి.