శ్రీకనకధారా స్తోత్రమ్‌ (సువర్గధారా స్తోత్రమ్‌) | Sri kanakadhara Stotram (Suvargadhara StoTram)

  ఇది గణపతి స్తుతి. భక్తులకు కల్పవృక్షం. లక్ష్మీదేవికి ఆనందాన్నిచ్చే మొలక, అత్యధికమైన ఆనందరాశితో మనోహరుడు అయిన గజముఖునికినమస్కరిస్తున్నాను.

   లక్ష్మీదేవి కడగంటి చూపు(సాగసు) సకల సంపదలకు నిలయమైంది. మొగ్గలతో అలంకృతమైన చీకటి చెట్టును ఆడుతుమ్మెదవలె ఆచూపు, శ్రీ మహావిష్ణువు శరీరాన్ని ఆశ్రయించి, గగుర్పాటుఅనే ఆభరణాన్ని చేకూరుస్తుంది. అట్టి లక్ష్మీదేవి కదగంటి చూపు నాకు సకల శుభాలను అనుగ్రహించుగాక!

   లక్ష్మీదేవి చూపులవరుస గొప్ప నల్లకలువ పైకి ఆడుతుమ్మెదలె శ్రి శ్రీమహా విష్ణువు ముఖంమీదికి ప్రేమతోను, సిగ్గుతోను మాటిమాటికి రాకపోకలు సాగిస్తూ, ముగ్ధమనోహరంగా ఉంది. ఆ చూపుల వరుస నాకు సంపదను ప్రసాదించుగాక!

   లక్ష్మీదేవి కడగంటి చూపు సమస్తమైన దేవేంద్ర వైభవాన్ని అనుగ్రహించడానికి సమర్థమైనట్టిది. శ్రీమహావిష్ణువుకు కూడా అధికమైన ఆనందాన్ని ఇవ్వగలిగినట్టిది. అట్టి ఆచూపు నాపై క్షణకాలం నిల్చుగాక!

   లక్ష్మీదేవి యొక్క అరవిరిసిన కంటిచూపు సమ్మోహన శక్తి గలిగి, రెప్పపాటు లేనిదై, ఆనందానికి ఆధారమై, సంతోషంతో విష్ణువును పొంది, ఆయనకు పారవశ్యాన్ని కలిగించునట్టిది. అట్టిచూపు నాకు ఐశ్వర్యాన్ని అనుగ్రహించుగాక!

   లక్ష్మీదేవి కడగంటి చూపులు (వరుస) కౌస్తుభమణితో ప్రకాశించే విష్ణువు వక్షస్థలం మీద ప్రసరించి, ఇంద్ర నీలమణుల హారాల వలె వెలుగొందుతున్నాయి, ఆయన యొక్క కోరికలను కూడ తీర్చగలిగివున్నాయి. అట్టి చూపులు నాకు శుభం కలిగించుగాక!

   కారుమబ్బులో మెరుపుతీగలాగా, నీలమేఘశ్యాముడైన విష్ణువు వక్షస్థలంలో ప్రకాశించే లోకమాత, లక్ష్మీదేవి. ఆమెఅద్భుతరూపం నాకు శుభాలను ప్రసాదించుగాక!

   సముద్రరాజు కూతురైన లక్ష్మీదేవి యొక్క కడగంటి చూపు తిన్ననై, నెమ్మదై, మధథించే స్వభావం కలిగింది. ఆచూపు ప్రభావంతో మంగళ నిలయుడైన విష్ణువుయొక్క మనస్సులో మొట్టమొదట మన్మథుడు స్టా స్తానం పొందగలిగాడు గదా! అట్టిచూపు ఇక్కడ నామీద 'ప్రసరించుగాక!

  లక్ష్మీదేవి చూపు అనే మేఘం దయ అనే గాలితో ప్రేరేపింపబడి, ధనం అనే జలధారను పక్షికూనవలె దీనుడనై, దరిద్రుడనైన నాపై కురిపించి, నా పాప తాపాన్ని శాశ్వతంగా దూరం చేయుగాక!

   కమలాసన అయిన లక్ష్మీదేవి యొక్క చూపు, వికసించిన కమలంమధ్య ఉన్న కాంతి కలిగినట్టిది. ఆ చూపు సోకిన మానవులు యజ్ఞయాగాది క్రతువులు చేయని వారైనా, వెంటనే సులభంగా స్వర్గసుఖాలను అనుభవింపగలరు. అట్టి లక్ష్మీదేవి చూపు నాకు కోరిన సంపదను ప్రసాదించుగాక!

  సృష్టి-స్థితి-ప్రళభయ క్రీడలలో బ్రహ్మభార్యయైన సరస్వతిగా, విష్ణువు భార్య అయిన లక్ష్మీదేవిగా, శక్తి స్వరూపిణి అయిన శివుని భార్య పార్వతీదేవిగా ఎవరున్నారో, ముల్లోకాల ఏకైక అధిపతికి భార్యయైన ఆమెకు నమస్కారము. 

   సత్మర్మ ఫలాలను ప్రసాదించే శ్రుతి (వేద) స్వరూప లక్ష్మికి నమస్మారము. మనోహరమైన గుణాలకు సముద్రం వంటిదైన రతి (సంతోష) స్వరూప లక్ష్మికి నమస్కారము. నూరురేకుల పద్మమే నివాసస్థానమైన శక్తి (సహస్రార) స్వరూపలక్ష్మికి నమస్కారము. పురుషోత్తముని భార్య అయిన పుష్టి (పూర్ణ-నిండైన) స్వరూపలక్షికి నమస్కారము.

  పద్మంతో సమానమైన ముఖం కలిగినట్టిది, పాల సముద్రమే జన్మభూమి అయినట్టిదీ, చంద్రునికి -అమృతానికి తోడ బుట్టినట్టిదీ, విష్ణువుకు భార్య అయినట్టిదీ అగు లక్ష్మీదేవికి నమస్కారము.

  బంగారు తామరయే సింహాసనంగా, భామందలానికి మహారాణిగా, కొలువుదీరి దేవతలు మొదలైన వారిని దయజూచునట్టి శార్లధన్వుని (విష్ణువు యొక్క) భార్యయైన లక్ష్మీదేవికి నమస్కారము.

  భృగు మహర్షి పుత్రికయై, విష్ణువు వక్షస్థలంలో నిలిచినదై, కమల నివాసినియై, విష్ణుపత్ని అయిన లక్ష్మీదెవికి నమస్కారము.

  కమలాలవంటి కన్నులుగలిగి, కాంతి స్వరూపిణియై, లోకాలను సృష్టించి, ఐశ్వర్య స్వరూపిణియై, దేవతలు మున్నగు వారిచేత పూజితురాలై, కృష్ణుని భార్య రుక్కిణియై ఉన్న లక్ష్మీదేవికి నమస్మారము.

   పూజనీయురాలవైన ఓతల్లీ! కమలాక్షీ! నీకు చేసే వందనాలు సంపదలను ప్రసాదిస్తాయి; సకల-ఇంద్రియాలకు సంతోషాన్ని (సుఖాన్ని కలిగిస్తాయి, సామ్రాజ్యాన్ని (చక్రవర్తిత్వాన్ని) ఇవ్వడంలో ఆసక్తి కలిగి వుంటాయి; పాపాలను పూర్తిగా తొలగించటానికి పూనుకొని వుంటాయి. అట్టి వందనాలు ఎల్లప్పుడు నన్ను ధన్యుని చేస్తూనే ఉండుగాక! అంటే-నేను ఎప్పుడూ నీకు నమస్కరిస్తూ ధన్యుణ్ణి అగుదును గాక! అని భావం.

  విష్ణువు యొక్క హృదయేశ్వరివైన ఓ దేవీ! నీ కడగంటి చూపు కొజకు చేసే ఉపాసనాకార్యం, భక్తునికి సకల సంపదలను సమకూరుస్తుంది. అందువల్ల మనోవాక్‌ కాయకర్మల ద్వారా (త్రికరణశుద్ధిగా) నిన్ను పూజిస్తున్నాను.

భగవతి హరివల్లభే మనోజ్ఞే త్రిభువనభూతికరి ప్రసీద మహ్యమ్‌. 18

  పూజ్యురాలవైన ఓ లక్ష్మీదేవీ! కమల నయనా! కమలహస్తా! మిక్కిలి తెల్లనైన వస్త్రాలతో, గంధమాల్యాలతో ప్రకాశించు దానా! మనోహర స్వరూపా! ముల్లోకాలకు సంపదలను ప్రసాదించుదానా! నన్ను అనుగ్రహించు.

  దిగ్గజాలు బంగారు కలశాలతో ఆకాశగంగా జలాన్ని తెచ్చి అభిషేకించగా, ఆ నిర్మలమైన-మనోహరమైన జలంతో తడిసిన శరీరం కలిగిన జగజ్ఞనని, సమస్తలోకాలకు అధిపతి అయిన విష్ణువు యొక్క ధర్మపల్నిి అమృత సముద్ర పుత్రి అయిన లక్ష్మీదేవికి ప్రాతఃకాలంలో నమస్కరిస్తున్నాను.

  విష్ణుపత్నివైన ఓ లక్ష్మీదేవీ! నేను బీదవారిలో ప్రథముణ్ణి! నీదయకు కపటంలేని తగిన పాత్రుడను. అందువల్ల నన్ను దయారసంతో ఉప్పొంగిన నీ కడగంటి చూపులతో చూడు.

  వేదస్వరూపిణి, త్రిలోకమాత అయిన లక్ష్మీదేవిని ఈ స్తుతులతో ప్రతిదినం ఎవరు స్తుతిస్తారో, వారు అధిక గుణవంతులవుతారు, అధిక సంపన్నులవుతారు, ఈ లోకంలో విద్వాంసుల ప్రశంసలను అందుకుంటారు.

  శంకరాచార్యులు రచించిన ఈ కనకధారా స్తోత్రాన్ని ప్రతిదినం మూడు సంధ్యలలో ఏవ్యక్తి పారాయణం చేస్తాడో ఆ వ్యక్తి కుబేరునితో సమానుడౌతాడు.