స్నాన విధులు | Snana Vidhulu, Bathing duties

మన పూర్వులు స్నానానికి, స్నానవిధులకు అత్యంత ప్రాముఖ్యతను ఇచ్చారు.

నదీస్నానంఉత్తమం, ప్రవాహంలో స్నానం మాధ్యమం, ఓ తటాకం లో స్నానం అధమమైతే, కూపంలో స్నానం అధమాధమము అని అన్నారు. అలా నదులలో స్నానం చేయడానికి కుదరనివారు ఇంట్లోనే తలస్నానం చేయడం మంచిది. ఇక, మన పూర్వులు స్నానవిధులను ఆరు రకాలుగా విభజించారు.

ఇది ఇలావుంటే కొంతమంది ఆరోగ్యరీత్యా నీటిలో స్నానం చేయలేనివారై ఉంటారు. మరికొంతమందికి నీటి వనరులు దగ్గర్లోలేనివారై ఉండవచ్చు. అలాంటప్పుడు శరీరశుద్ధికోసం కొన్ని స్నానపద్ధతులను ప్రతిపాదించారు. వీటినే గౌణస్నానాలు అని అంటారు. ఈ గౌణస్నానాలు ఎనిమిది రకాలు:

ఇదిలావుంటే, తెల్లవారుఝామున 4-5 గంటల మధ్య చేసే స్నానాన్ని ఋషిస్నానమని, 5-6 గంటల మధ్య చేసే స్నానం దైవస్నానమని 6-7 గంటల మధ్య చేయు స్నానం మానవస్నానమని, 7 గంటల తరువాత చేసే స్నానం రాక్షసస్నానం అని అంటారు. అందుకనే సూర్యోదయానికి ముందే స్నానం చేయడం ఉత్తమమని అంటారు. నదులలో, ప్రవాహాల్లో, చెరువులలో స్నానం చేస్తున్నప్పుడు, బొడ్డులోతు నీటిలో నిలబడి, శిఖను పాయ తీసి, అంగుష్టాలతో చెవులను, కనిష్టాలతో ముక్కు రంధ్రాలను మూసుకుని, మూడుసార్లు పూర్తిగా మునిగి స్నానం చేయాలి. కట్టుబత్తలతోనే స్నానం చేయాలి. దిగంబరస్నానం చేయరాదు.

సుమంగుళులు నీటిలో మునుగుతూ స్నానం చేయకూడదు. తలజుట్టు విప్పి, దోసిట్లో నీతిని తలపై పోసుకుని స్నానం చేయాలి. స్నానం చేసిన తరువాత శ్రీరామనామ స్మరణ చేస్తూ వస్త్రాలను పిండి, శుభ్రమైన దుస్తులను ధరించాలి. ఇళ్లలో స్నానం చేసేవారికి ఈ నియమాన్నింటినీ పాటించడానికి కుదరదు కాబట్టి శిరః స్నానం చేయడంతో సరిపెట్టుకోవచ్చు.