 |
| సీతారామయ్య |
భద్రాచలం శ్రీ సీతారామచంద్ర స్వామి వారి దేవస్థానంలో శుక్రవారం రామయ్యకు స్వర్ణభద్ర కవచధారణ అలంకరణ నిర్వహించారు. ఆలయ తలుపులు తెరిచి స్వామి వారికి సుప్రభాతం, ఆరాధన, సేవాకాలం, నివేదన తదితర నిత్యపూజలు నిర్వహించారు.
అనంతరం అంతరాలయం నుండి స్వామి వారి ఉత్సవమూర్తులను మేళతాళాలు, మంగళవాయిద్యాల నడుమ బేడా మండపానికి తీసుకొచ్చారు. తదుపరి నిత్యకళ్యాణమూర్తులకు వైష్ణవ సంప్రదాయం ప్రకారం విశ్వక్సేన ఆరాధన, పుణ్యఃవాచనతో నిత్య కళ్యాణం కార్యక్రమం ప్రారంభించారు అనంతరం స్వామి వారికి, అమ్మ వారికి కంకణధారణ, జీలకర్ర బెల్లం, కన్యాదానం, మంగళ సూత్రధారణ తదితర కార్యక్రమంను నిర్వహించారు.ఈ కార్యక్రమంలో ఆలయ అర్చకులు, ఉద్యోగులు, భక్తులు అధిక సంఖ్యలో పాల్గొన్నారు.
