స్వామి అయ్యప్ప చరితం | Swamy Ayyappa Charitam Part 15

స్వామి అయ్యప్ప చరితం | పదిహేనవ భాగం 

• ఉదయం: బ్రాహ్మముహూర్తంలో (తెల్లవారు జామున గం.3.30) లేచి సూర్యోదయానికి ముందుగానే కాలకృత్యాలు పూర్తిచేసి , చల్లనీళ్ళతో తలస్నానం ఆచరించాలి ! శుభ్రమైన నల్లని వస్త్రాలు ధరించి నుదుట విభూతి , చందనము , కుంకుమ బొట్లు ధరించాలి ! మెడలో వున్న మాలలోని ముద్రకు కూడా విభూది , కుంకుమ , చందనము అద్ది కళ్లకద్దుకోవాలి ! సూర్యునికి నమస్కరించి పూజ గదిలోకి ప్రవేశించాలి ! పూజాగృహంలో అయ్యప్పస్వామి చిత్రపటాన్ని మధ్యలో అమర్చిన పీఠంమీద అరిటాకు వేసి , దానిమీద వుంచి చందనపు బొట్టు పెట్టి , కుంకుమ అద్ది పూలమాలలతో అలంకరించి రెండు వైపులా దీపపు కుందులు వుంచి దీపారాధన చేయాలి ! స్వామిని షోడశోపచారాలతో పూజించాలి ! నైవేద్యంగా అరటిపండ్లు , బెల్లం , అటుకులు మొదలైనవి సమర్పించి హారతి చూపుతూ 108 నామాల శరణు ఘోష చదివి , సాష్టాంగ నమస్కారాలు చేయాలి ! మెడలోని ముద్రమాలకు హారతి చూపించాలి ! పూజా కార్యక్రమం ముగిసిన తర్వాత దేవాలయానికి వెళ్లి దైవదర్శనం , గురుస్వామి దర్శనం చేసుకుని ఇంటికివచ్చి పాలు , పండ్లు స్వీకరించాలి . ( వయసు , ఆరోగ్యరీత్యా )  అల్పాహారం (భిక్ష) స్వీకరించవచ్చు !
• మధ్యాహ్నం: రోజువారీ పనులు చేసుకుని మధ్యాహ్నం తిరిగి స్నానం చేసి సద్ది (భోజనం) స్వీకరించాలి !
• సాయంత్రం: సూర్యాస్తమయం తర్వాత తిరిగి స్నానం చేసి పూజ చేయాలి. ఉదయం చేసిన విధంగానే ! స్వామికి భజన ప్రీతికరం ! అందుచేత రాత్రి కొంతసేపు భజన నిర్వర్తించాలి ! ఆపైన దేవాలయాన్ని , గురుస్వామిని దర్శించి ఇంటికి తిరిగి వచ్చి రాత్రి అల్పాహారం స్వీకరించాలి !
• రాత్రి:  నిద్రించడానికి కొత్తచాప , దుప్పటి నేలపై పరుచుకుని నిద్రించాలి ! ఈ విధమైన దినచర్యను మండల కాలంలో పాటించాలి !

• దీక్ష స్వీకరించిన మొదట రోజూ మూడుసార్లు చన్నీటితో తలస్నానం ఆచరించాలి ! నుదుట విభూది , చందనం , కుంకుమధారణచేసి నల్లని వస్త్రాలు ధరించాలి !
• ఉదయ , సాయంకాల సమయాలలో దేవాలయాలకు వెళ్లి దైవదర్శనం , గురుస్వామి దర్శనం చేయాలి !

1. మాట్లాడే నాలుక, పనులు చేసే చేతులు, నడిపించే కాళ్లు, గుహ్యం (పురుషాంగం), గుదం (విసర్జన అంగం) అనబడే ఐదు కర్మేంద్రియాలను స్వాధీనంలో వుంచుకుని వాటి చేత మంచి పనులు చేయించడం దీక్షా నియమాల ముఖ్యోద్దేశం !
2. నాలుక మాట్లాడటానికి సహకరించే కర్మేంద్రియం ! అట్లాగే రుచిని తెలిపే జ్ఞానేంద్రియం కూడా !
3. దీక్షాకాలంలో నాలుకను అదుపులో పెట్టుకోవటం చాలా ముఖ్యం ! అందువల్ల మాటల చేత , తినడం చేత జరిగే తప్పులను , పొరబాట్లను అరికట్టడం జరుగుతుంది ! 
4. కోపాన్ని విడిచి , శాంతంగా వుండాలి !
5. వాక్కుకు సంబంధించి దీక్షాకాలంలో మితంగా \, మృదువుగా మాట్లాడటం అలవర్చుకోవాలి ! సత్యం మాట్లాడాలి ! సౌమ్యంగా , ఇతరులను సంతోషపెట్టేలా మాట్లాడాలి !
6. అనవసరపు మాటలు , అబద్ధాలు చెప్పడం , ఇతరులను నొప్పించేలా మాట్లాడటం , వివాదాలు , తగవులుపడటం , ఇతరులను దూషించడం దీక్షాకాలంలో చేయకూడదు !
7. భగవద్భక్తిని కలిగించే పుస్తకాలు , నీతి బోధకాలైన పుస్తకాలు చదవాలి !  
8. చేతులు మంచి కార్యాలు - దానధర్మాలు  చేయడానికి , స్వామి పూజకు ఉపయోగపడాలి ! జీవహింస, దొంగతనాలు , ఇతరులను కొట్టడం వంటి పనులు దీక్షాకాలంలో చేయరాదు !
9. పాదములు - దేవాలయాలను , పుణ్యక్షేత్రాలను దర్శించడానికి కాలినడకన (శక్తినిబట్టి) వెళ్లడం మంచిది ! 
10. జూదగృహాలు , వేశ్యాగృహాలకు వెళ్లకూడదు !  
11. దీక్షాకాలంలో బ్రహ్మచర్యాన్ని  విధిగా పాటించాలి ! 
12. వేశ్యలతో సంపర్కం , బలాత్కరించడం మొదలైన విషయాల గూర్చి ఆలోచించకూడదు ! కోరికలను అదుపులో ఉంచుకుని ఆస్ఖలిత బ్రహ్మచర్యాన్ని ( స్త్రీ సంబంధిత ఆలోచనలతో వీర్యస్ఞలనమవడం) పాటించడానికి ప్రయత్నిచాలి ! 
13. మనస్సు విషయవాంఛలవైపు పరిగెత్తకుండా ఉండటానికోసమే సాత్వికాహారం తీసుకోవాలన్న నియమం ఏర్పడింది !

• ఆహార నియమాలు సక్రమంగా పాటించడంవల్ల విరేచనాలు మలబద్ధకం వంటిరోగాలకు గురికాకుండా శరీరారోగ్యాన్ని కాపాడుకోవచ్చును !
• కర్మేంద్రియాలను నిగ్రహించడాన్ని దమము అంటారు.
• జ్ఞానేంద్రియాలైన ముక్కు , చెవులు , కళ్లు , నాలుక , చర్మము వీటిని నియత్రించడాన్ని ‘శమము’ అంటారు .

1. చెవులు: శబ్దాన్ని గ్రహించే జ్ఞానేంద్రియాలు చెవులు ! దీక్షాకాలంలో చెవులను బ్రద్దలు చేసే పెద్ద పెద్ద శబ్దాలను , ఇంద్రియాలను ఉద్రేకపరిచే సంభాషణలను వినగూడదు ! మనస్సుకు శాంతిని ప్రసాదించే దైవ సంబంధిత పాటలను , పురాణాలను వినాలి ! శాస్ర్తీయ సంగీతాన్ని వినడంవల్ల మనస్సుకు శాంతి లభిస్తుంది ;
2. కళ్లు: ప్రకృతి సౌందర్యాన్ని చూస్తూ పరిశీలనాగుణాన్ని అలవరచుకోవాలి ! విషాదకరమైన , భయానకమైన , శృంగారపరమైన దృశ్యాలనుర చూడకూడదు ! ఎటుచూసినా కళ్లకు స్వామి అయ్యప్ప గోచరించే స్థితికి మనస్సు , కళ్లు చేరుకోవడానికి దీక్షాకాలంలో సాధన చేయాలి !
3. నాలుక: రుచిని తెలియజేసే జ్ఞానేంద్రియం నాలుక ! దీక్షాకాలంలో అన్ని రకాల రుచులు కోరుకునే నాలుకను నియంత్రించి సాత్వికాహారాన్ని మాత్రమే భుజించాలి ! తీపి , ఉప్పు , పులుపు , కారం , మసాలా దినుసులు లేని ఆహారం తినాలి ! అటుకులు , పాలు , పండ్లు స్వీకరించాలి !
4. ముక్కు: వాసనను గ్రహించే జ్ఞానేంద్రియం ముక్కు ! దుర్వాసనలు వచ్చే అశున్ర వాతావరణంలో వుండకూడదు మనస్సుకు హాయిని , శరీరానికి చల్లదనాన్ని ఇచ్చే పూలతోటలలో తిరగడం , పూజకు పూలు సేకరించడం చేయాలి !

• శరీరం అంతర్భాగాలను కప్పివుంచి , స్పర్శజ్ఞానాన్ని ప్రసాదించే జ్ఞానేంద్రియ చర్మం ! సౌందర్యం చర్మంవల్లనే కలుగుతుంది శరీరానికి ! 
• చల్లని నీటితో రోజూ మూడుసార్లు స్నానం చేయడంవల్ల చర్మం పరిశుభ్రమైన హాయిని ప్రసాదిస్తుంది ! చర్మానికి హాని కలిగించే తైలాలు, లేపనాలు వాడకూడదు ! 
• నలుగుపిండితో చర్మాన్ని శుభ్రపరచుకోవాలి ! 
• అందంగా కనబడటాని ప్రాధాన్యతనివ్వకూడదు ! 
• దీక్షాకాలంలో ముఖ క్షవరం , కేశఖండనం (జుత్తు కత్తిరించడం) గోళ్లు తీయడం చేయరాదు ! పాదరక్షలు వాడకూడదు !
• దీక్షాకాలంలో శవాలను చూడరాదు ! 
• బహిష్టు స్త్రీలను చూడరాదు ! పొరపాటున చూస్తే తలస్నానం చేసి , కర్పూరం వెలిగించి , శరణు ఘోష చేయాలి !
• వ్రత దీక్షాకాలంలో దీక్షలో వున్న ఇతరులను ‘స్వామి’ అని , చిన్నపిల్లలను ‘మణికంఠ’ అని , స్త్రీలను ‘భగవతి’ అని పిలవాలి ! 
• అయ్యప్ప స్వాములు ఒకరితో ఒకరు మాట్లాడుకునేటప్పుడు ముందు మూడుసార్లు ‘స్వామి శరణం’ అని చెప్పుకుని సంభాషణ పూర్తి అయిన తరువాత తిరిగి ‘స్వామి శరణం’ అని మూడుసార్లు చెప్పడం అలవర్చుకోవాలి !
• శ్రీ అయ్యప్ప పూజ ఎక్కడ జరుగుతున్నా , పిలవకపోయినా వెళ్లి భజన కార్యక్రమంలో పాల్గొనాలి ! దీక్షకాలంలో కనీసం ఐదు పూజా , భజన కార్యక్రమాలలో పాల్గొనాలి ! శబరిమల యాత్రకు వెళ్లేముందు కనీసం పదిమందికి అన్నసంతర్పణ కావించాలి ! అయ్యప్ప ఎవరుగానీ సద్ది , భిక్షలకు ఆహ్వానిస్తే నిరాకరించకూడదు. కుల , మత , తర తమ భేదాలు మరిచి అందూ కలిసి భుజించాలి !
• దీక్షలో వున్నపుడు మాంసము భుజించరాదు. తాంబూలం , ధూమపానం , క్షవరం , గోర్లు , కత్తిరించడం  చేయకూడదు. చెడుఅలవాటులకు దూరంగా ఉండవలెను. మండల దీక్షాకాలంలో చెప్పబడిన నియమాలను సక్రమంగా పాటించడం వల్ల పంచేంద్రియాల వల్ల కలిగే ప్రలోభాలకు
• లొంగకుండా మనస్సును నిశ్చలంగా నియంత్రించడానికి తగిన సాధన లభిస్తుంది. అయ్యప్పస్వామి ఎక్కి వెళ్లిన పద్ధెనిమిది మెట్లను ఎక్కడానికి అర్హత ప్రసాదించడంలో పంచేంద్రియాల నియంత్రణ మొదటి ఐదు మెట్లను ఎక్కే సామర్థ్యతను కలిగిస్తాయి ! ఇంకా అష్టరాగాలనే 8 రాగాలు , త్రిగుణాలనే 3 గుణాలు , విద్య - అవిద్య అనే రెండు (మొత్తం 13) కూడ నియంత్రించబడితేనే మిగిలిన పదమూడు మెట్లు ఎక్కడానికి సమర్థత లభిస్తుంది !

• అహంకారమనే మాయ పొర ఎప్పుడూ మనస్సును ఆవరించే వుంటుంది ! 
• అహంకారం నుండి మదం మొలకెత్తుతుంది !
• నేను, నాది, నావల్లనే సర్వం జరుగుతున్నది, నన్ను మా ఇంచినది మరొకటి లేదు అనబడే భావాలన్నీ అహంకారం నుండి పుట్టి మదంతో కలిసి పతనానికి దారితీసేలా చేస్తాయి !
• అహంకారం , మదంలను కలిపి అష్టరాగాలు లేక అష్టమదాలుగా వ్యవహరిస్తారు.  

• సామాన్యులకు , దీక్షాధారులకు అందరికీ అనుసరించదగ్గ మార్గం భక్తిమార్గం ! 
• భగవంతుడు వున్నాడనే నమ్మకం, విశ్వాసం దృఢంగా కలిగివుండి, ఆ భగవంతుడిని ఎవరికి ఇష్టమైన రూపంలో వారు ఆరాధించడం భక్తిమార్గంగా తెలుపబడింది !
• ఈ మార్గంలో మండలకాలంలో దీక్షాధారులు రోజూ మూడు పూటలు అయ్యప్పస్వామిని పూజించి , భజనలు చేసి అందరిలో ఆ స్వామిని దర్శిస్తూ , సదా అయ్యప్ప నామస్మరణ చేస్తూ గడపడంవల్ల వాళ్ళకు సత్త్వ , రజో తమోగుణాలనే మూడు గుణాలను నియంత్రించే సామర్థ్యం లభిస్తుంది !

1. తమోగుణము: అజ్ఞానం , అలసత్వం , విపరీతమైన నిద్ర , కపటం , గర్వం , దురభిమానం , క్రోధం, కోపం , పౌరుషం ఈ గుణం లక్షణాలు ! దీక్షాకాలంలో వీటన్నిటినీ నియంత్రించి మనస్సు వాటివల్ల ప్రభావితం కాకుండా చూసుకోవాలి.
2. రజోగుణము: రాగద్వేషాలను కలిగిస్తుంది ! కోరికలను రేకెత్తిస్తుంది ! దంభము , దురభిమానము , రాజసం , గర్వాహంకారాలు ఈ గుణంవల్ల ప్రకోపిస్తాయి. వీటిని దీక్షాకాలంలో అణచివేసి ప్రశాంతంగా వుండటం అలవరచుకోవాలి !
3. సత్త్వగుణము: సత్యము , శౌచము , క్షమాగుణం , అనుకంప , శాంతి , సంతోషం మొదలైనవి సత్త్వగుణ లక్షణాలు ! వీటిని అలవరచుకుని దీక్షాకాలంలో మసలుకోవడం ప్రధానం ! మంచి గుణాలు అలవరచుకుని , చెడు గుణాలకు దూరంగా ఉంటూ భగవధ్యానంలో గడపాలి !

• అవిద్య అంటే అజ్ఞానం! మంచి విషయాలను తెలుసుకోవాలన్న కోరిక లేకపోవడం అవిద్యకు కారణం! అవిద్యవల్ల వివేచనా, తెలివితేటలు, బుద్ధి వికాసం లేకుండా నిస్సారమైన జీవితం గడపవలసి వుంటుంది ! విద్య నేర్పే గురువుల సహాయంతో అవిద్యను తొలగించవచ్చును ! మూఢుడైన శిష్యుడికి విద్యాబోధన చేసి మంచి విషయాలు తెలుసుకోవాలన్న కోరిక కలిగేలా చేస్తాడు గురువు ! అంతవరకు అతడు పశుప్రాయమైన జీవితం గడుపుతూ వచ్చిన  విషయం శిష్యునికి తెలిసేలా చేస్తాడు !
• అవిద్య ప్రభావం నుండి బయటపడి విద్య నేర్చుకోవడానికి ఆసక్తి కలగడంతో గురువుగారి నాశ్రయించి విద్యనభ్యసిస్తాడు శిష్యుడు ! కొన్ని శాస్త్రాలలో నిపుణడౌతాడు ! భగవంతుని గూర్చిన విషయాలు పౌరాణిక గ్రంథాలను చదివి , గురువుగారి ఉపదేశాలు విని కొంతవరకు తెలుసుకోవడం జరుగుతుంది !
• విద్యావంతులు వేదాధ్యయనం చేసి భగవంతుని తత్వాన్ని తెలుసుకోవడానికి ప్రయత్నిస్తారు ! వారికంతా తెలిసిపోయినట్లనిపిస్తుంది మొదట్లో ! అంతటితో భగవంతుని తత్వాన్ని గ్రహించి జ్ఞానులైపోయారన్న మిథ్యాజ్ఞానం కలుగుతుంది ! ఆ భావన నిజం కాదు ! అందుకే దాన్ని మిథ్యాజ్ఞానం అన్నారు. ఈ మిథ్యాజ్ఞానం వల్ల అహంకారం మొలకెత్తుతుంది !
• దీక్షాకాలంలో ఈ మిథ్యాజ్ఞానంవల్ల వచ్చే అహంకారాన్ని (విద్యామదం) అణచివేయాలి ! అందుకు భక్తిమార్గం సహకరిస్తుంది !
• అవిద్యను వదలి విద్యావంతుడైన భక్తుడు స్వామి సేవలో గడిపి ధన్యుడౌతాడు.
• శౌనకాది మునులారా ! అయ్యప్పస్వామి ఎక్కివెళ్లిన పద్ధెనిమిది మెట్లను ఎక్కి వెళ్లి ఆ స్వామి దర్శనం చేసుకోవడానికి గురువు ద్వారా తీసుకోవలసిన దీక్ష , మాలధారణ , దినచర్య పాటించవలసిన నియమాల గూర్చి మీకు తెలియజెప్పాను ! ఆ నియమాలన్నీ పాటించడమంటే తపస్సుతో సమానమని గ్రహించండి ! విషయ వాంఛలనుండి ఇంద్రియాలను నిగ్రహించి , సత్కర్మలే ఆచరిస్తూ , సమతాభావంతో అయ్యప్ప ధ్యానంలో గడిపే మండల దీక్షాకాలం కఠోర తపస్సుతో సమానమైనది ! ముఖ్యంగా కలియుగంలో కలి ప్రభావానికి గురికాకుండా వుండటానికి , మానవులను సన్మార్గంలో నడిపించడానికి అయ్యప్పస్వామి ఈ విధమైన నియమాలను ఏర్పరచటం జరిగింది.

ఏడవ అధ్యాయము

శబరిగిరి (శబరిమల) యాత్ర వివరాలు యాత్ర అంతరార్థం:

యాత్రకు తరలివెళ్ళే విధానం

ఇరుముడి ప్రాముఖ్యత

ఇరుముడిలో పెట్టే వస్తువులు:

ఇరుముడి కట్టే విధానం:

ముద్రను సిద్ధం చేసే విధానం:

కొబ్బరి కురిడీ ముద్ర అంతరార్థం

ఇరుముడికి పూజ:

ఇరుముడికి - జాగ్రత్తలు

శబరిగిరి యాత్రకు

‘‘హరివరాసనం విశ్వమోహనం హరితదీశ్వరం ఆరాధ్యపాదుకం

హరి విమర్దనం నిత్యనర్తనం హరిహరాత్మజం దేవమాశ్రయ్ ! 

ఓం స్వామియే శరణం అయ్యప్ప’’

ఎనిమిదవ అధ్యాయం