 |
| Yajurveda |
యజుర్వేదంలోని నక్షత్ర మంత్రములు
యజుర్వేదంలోని నక్షత్రేష్టిలో వేరు వేరు నక్షత్రాలకు 27 నక్షత్రాలకు సంబంధించిన మంత్రాలు ఉన్నాయి.ఒక్కో నక్షత్రానికి 8 వాక్యాలతో కూడుకున్న మంత్రం ఉంటుంది.వైదిక సాహిత్యంలో అన్ని చోట్ల నక్షత్ర గణన కృత్తిక నక్షత్రం నుండి ప్రారంబమవుతుంది.కృత్తిక నుండి విశాఖ నక్షత్రం వరకు దేవ నక్షత్రాల విభాగంగాను ,అనూరాధ నుండి భరణి నక్షత్రం వరకు యమ నక్షత్రాలుగాను విభజించబడింది. ఉత్తరాషాడ 4 వ పాదం,శ్రవణా నక్షత్ర 1 వ పాదం కలిసి అభిజిన్నక్షత్రం .జయింప శక్యంకాని పనులు జయింప జేయాలంటే అభిజిత్తులో చేయాలి.
కృత్తిక నక్షత్ర మంత్రం
|| ఓం ||
అగ్నిర్నః’ పాతు కృత్తి’కాః |
నక్ష’త్రం దేవమి’ఇంద్రియమ్ |
ఇదమా’సాం విచక్షణమ్ |
హవిరాసం జు’హోతన |
యస్య భాంతి’ రశ్మయో యస్య’కేతవః’ |
యస్యేమా విశ్వా భువ’నాని సర్వా” |
స కృత్తి’కాభిరభిసంవసా’నః |
అగ్నిర్నో’ దేవస్సు’వితే ద’ధాతు ||
రోహిణి నక్షత్ర మంత్రం
|| ఓం ||
ప్రజాప’తే రోహిణీవే’తు పత్నీ” |
సా నో’ యఙ్ఞస్య’ సువితే ద’ధాతు |
రోహిణీదేవ్యుద’గాత్పురస్తా”త్ |
ప్రజాప’తిగ్‍మ్ హవిషా’ వర్ధయ’ంతీ |
విశ్వరూ’పా బృహతీ చిత్రభా’నుః |
యథా జీవే’మ శరదస్సవీ’రాః |
విశ్వా’ రూపాణి’ ప్రతిమోద’మానా |
ప్రియా దేవానాముప’యాతు యఙ్ఞమ్ ||
మృగశిర నక్షత్ర మంత్రం
|| ఓం ||
సోమో రాజా’ మృగశీర్షేణ ఆగన్న్’ |
శివం నక్ష’త్రం ప్రియమ’స్య ధామ’ |
ఆప్యాయ’మానో బహుధా జనే’షు |
రేతః’ ప్రజాం యజ’మానే దధాతు |
యత్తే నక్ష’త్రం మృగశీర్షమస్తి’ |
ప్రియగ్‍మ్ రా’జన్ ప్రియత’మం ప్రియాణా”మ్ |
తస్మై’ తే సోమ హవిషా’ విధేమ |
శన్న’ ఏధి ద్విపదే శం చతు’ష్పదే ||
ఆరుద్ర నక్షత్ర మంత్రం
|| ఓం ||
ఆర్ద్రయా’ రుద్రః ప్రథ’మా న ఏతి |
శ్రేష్ఠో’ దేవానాం పతి’రఘ్నియానా”మ్ |
నక్ష’త్రమస్య హవిషా’ విధేమ |
మా నః’ ప్రజాగ్‍మ్ రీ’రిషన్మోత వీరాన్ |
హేతి రుద్రస్య పరి’ణో వృణక్తు |
ఆర్ద్రా నక్ష’త్రం జుషతాగ్‍మ్ హవిర్నః’ |
ప్రముంచమా’నౌ దురితాని విశ్వా” |
అపాఘశగ్‍మ్’ సన్నుదతామరా’తిమ్ ||
పునర్వసు నక్షత్ర మంత్రం
|| ఓం ||
పున’ర్నో దేవ్యది’తిస్పృణోతు |
పున’ర్వసూనః పునరేతాం” యఙ్ఞమ్ |
పున’ర్నో దేవా అభియ’ంతు సర్వే” |
పునః’ పునర్వో హవిషా’ యజామః |
ఏవా న దేవ్యది’తిరనర్వా |
విశ్వ’స్య భర్త్రీ జగ’తః ప్రతిష్ఠా |
పున’ర్వసూ హవిషా’ వర్ధయ’ంతీ |
ప్రియం దేవానా-మప్యే’తు పాథః’ ||
పుష్యమి నక్షత్ర మంత్రం
|| ఓం ||
బృహస్పతిః’ ప్రథమం జాయ’మానః |
తిష్యం’ నక్ష’త్రమభి సంబ’భూవ |
శ్రేష్ఠో’ దేవానాం పృత’నాసుజిష్ణుః |
దిశోஉను సర్వా అభ’యన్నో అస్తు |
తిష్యః’ పురస్తా’దుత మ’ధ్యతో నః’ |
బృహస్పతి’ర్నః పరి’పాతు పశ్చాత్ |
బాధే’తాంద్వేషో అభ’యం కృణుతామ్ |
సువీర్య’స్య పత’యస్యామ ||
ఆశ్లేష నక్షత్ర మంత్రం
|| ఓం ||
ఇదగ్‍మ్ సర్పేభ్యో’ హవిర’స్తు జుష్టమ్” |
ఆశ్రేషా యేషా’మనుయంతి చేతః’ |
యే అంతరి’క్షం పృథివీం క్షియంతి’ |
తే న’స్సర్పాసోహవమాగ’మిష్ఠాః |
యే రో’చనే సూర్యస్యాపి’ సర్పాః |
యే దివం’ దేవీమను’సంచర’ంతి |
యేషా’మశ్రేషా అ’నుయంతి కామమ్” |
తేభ్య’స్సర్పేభ్యో మధు’మజ్జుహోమి || ౭ ||
మఘా నక్షత్ర మంత్రం
|| ఓం ||
ఉప’హూతాః పితరో యే మఘాసు’ |
మనో’జవసస్సుకృత’స్సుకృత్యాః |
తే నో నక్ష’త్రే హవమాగ’మిష్ఠాః |
స్వధాభి’ర్యఙ్ఞం ప్రయ’తం జుషంతామ్ |
యే అ’గ్నిదగ్ధా యేஉన’గ్నిదగ్ధాః |
యే’உముల్లోకం పితరః’ క్షియంతి’ |
యాగ్‍శ్చ’ విద్మయాగ్మ్ ఉ’ చ న ప్ర’విద్మ |
మఘాసు’ యఙ్ఞగ్‍మ్ సుకృ’తం జుషంతామ్ ||
పుర్వా ఫల్గునీ నక్షత్ర మంత్రం
|| ఓం ||
గవాం పతిః ఫల్గు’నీనామసి త్వమ్ |
తద’ర్యమన్ వరుణమిత్ర చారు’ |
తం త్వా’ వయగ్‍మ్ స’నితారగ్‍మ్’ సనీనామ్ |
జీవా జీవ’ంతముపసంవి’శేమ |
యేనేమా విశ్వా భువ’నాని సంజి’తా |
యస్య’ దేవా అ’నుసంయంతి చేతః’ |
అర్యమా రాజాஉజరస్తు వి’ష్మాన్ |
ఫల్గు’నీనామృషభో రో’రవీతి ||
ఉత్తర ఫల్గునీ నక్షత్ర మంత్రం
|| ఓం ||
శ్రేష్ఠో’ దేవానాం” భగవో భగాసి |
తత్త్వా’ విదుః ఫల్గు’నీస్తస్య’ విత్తాత్ |
అస్మభ్యం’ క్షత్రమజరగ్‍మ్’ సువీర్యమ్” |
గోమదశ్వ’వదుపసన్ను’దేహ |
భగో’హ దాతా భగ ఇత్ప్ర’దాతా |
భగో’ దేవీః ఫల్గు’నీరావి’వేశ |
భగస్యేత్తం ప్ర’సవం గ’మేమ |
యత్ర’ దేవైస్స’ధమాదం’ మదేమ ||
హస్తా నక్షత్ర మంత్రం
|| ఓం ||
ఆయాతు దేవస్స’వితోప’యాతు |
హిరణ్యయే’న సువృతా రథే’న |
వహన్, హస్తగ్‍మ్’ సుభగ్‍మ్’ విద్మనాప’సమ్ |
ప్రయచ్ఛ’ంతం పపు’రింపుణ్యమచ్ఛ’ |
హస్తః ప్రయ’చ్ఛ త్వమృతం వసీ’యః |
దక్షి’ణేన ప్రతి’గృభ్ణీమ ఏనత్ |
దాతార’మద్య స’వితా వి’దేయ |
యో నో హస్తా’య ప్రసువాతి’యఙ్ఞమ్ ||
చిత్రా నక్షత్ర మంత్రం
|| ఓం ||
త్వష్టా నక్ష’త్రమభ్యే’తి చిత్రామ్ |
సుభగ్‍మ్ స’సంయువతిగ్‍మ్ రాచ’మానామ్ |
నివేశయ’న్నమృతాన్మర్త్యాగ్’శ్చ |
రూపాణి’ పిగ్ంశన్ భువ’నానివిశ్వా” |
తన్నస్త్వష్టా తదు’ చిత్రా విచ’ష్టామ్ |
తన్నక్ష’త్రం భూరిదా అ’స్తు మహ్యమ్” |
తన్నః’ ప్రజాం వీరవ’తీగ్‍మ్ సనోతు |
గోభి’ర్నోఅశ్వైస్సమ’నక్తు యఙ్ఞమ్ ||
స్వాతీ నక్షత్ర మంత్రం
|| ఓం ||
వాయుర్నక్ష’త్రమభ్యే’తి నిష్ట్యా”మ్ |
తిగ్మశృం’గో వృషభో రోరు’వాణః |
సమీరయన్ భువ’నా మాతరిశ్వా” |
అప ద్వేషాగ్‍మ్’సి నుదతామరా’తీః |
తన్నో’ వాయస్తదు నిష్ట్యా’ శృణోతు |
తన్నక్ష’త్రం భూరిదా అ’స్తు మహ్యమ్” |
తన్నో’ దేవాసో అను’జానంతు కామమ్” |
యథా తరే’మ దురితానివిశ్వా” ||
విశాఖా నక్షత్ర మంత్రం
|| ఓం ||
దూరమస్మచ్ఛత్ర’వో యంతు భీతాః |
తది’ంద్రాగ్నీ కృ’ణుతాం తద్విశా’ఖే |
తన్నో’ దేవా అను’మదంతు యఙ్ఞమ్ |
పశ్చాత్ పురస్తాదభ’యన్నో అస్తు |
నక్ష’త్రాణామధి’పత్నీ విశా’ఖే |
శ్రేష్ఠా’వింద్రాగ్నీ భువ’నస్య గోపౌ |
విషూ’చశ్శత్రూ’నపబాధ’మానౌ |
అపక్షుధ’న్నుదతామరా’తిమ్ ||
అనూరాధా నక్షత్ర మంత్రం
|| ఓం ||
ఋద్ధ్యాస్మ’ హవ్యైర్నమ’సోపసద్య’ |
మిత్రం దేవం మి’త్రధేయం’ నో అస్తు |
అనూరాధాన్, హవిషా’ వర్ధయ’ంతః |
శతం జీ’వేమ శరదః సవీ’రాః |
చిత్రం నక్ష’త్రముద’గాత్పురస్తా”త్ |
అనూరాధా స ఇతి యద్వద’ంతి |
తన్మిత్ర ఏ’తి పథిభి’ర్దేవయానై”ః |
హిరణ్యయైర్విత’తైరంతరి’క్షే ||
జ్యేష్ఠా నక్షత్ర మంత్రం
|| ఓం ||
ఇంద్రో” జ్యేష్ఠామను నక్ష’త్రమేతి |
యస్మి’న్ వృత్రం వృ’త్ర తూర్యే’ తతార’ |
తస్మి’న్వయ-మమృతం దుహా’నాః |
క్షుధ’ంతరేమ దురి’తిం దురి’ష్టిమ్ |
పురందరాయ’ వృషభాయ’ ధృష్ణవే” |
అషా’ఢాయ సహ’మానాయ మీఢుషే” |
ఇంద్రా’య జ్యేష్ఠా మధు’మద్దుహా’నా |
ఉరుం కృ’ణోతుయజ’మానాయ లోకమ్ ||
మూలా నక్షత్ర మంత్రం
|| ఓం ||
మూలం’ ప్రజాం వీరవ’తీం విదేయ |
పరా”చ్యేతు నిరృ’తిః పరాచా |
గోభిర్నక్ష’త్రం పశుభిస్సమ’క్తమ్ |
అహ’ర్భూయాద్యజ’మానాయ మహ్యమ్” |
అహ’ర్నో అద్య సు’వితే ద’దాతు |
మూలం నక్ష’త్రమితి యద్వద’ంతి |
పరా’చీం వాచా నిరృ’తిం నుదామి |
శివం ప్రజాయై’ శివమ’స్తు మహ్యమ్” ||
పూర్వాషాఢా నక్షత్ర మంత్రం
|| ఓం ||
యా దివ్యా ఆపః పయ’సా సంబభూవుః |
యా అంతరి’క్ష ఉత పార్థి’వీర్యాః |
యాసా’మషాఢా అ’నుయంతి కామమ్” |
తా న ఆపః శగ్గ్ స్యోనా భ’వంతు |
యాశ్చ కూప్యా యాశ్చ’ నాద్యా”స్సముద్రియా”ః |
యాశ్చ’ వైశంతీరుత ప్రా’సచీర్యాః |
యాసా’మషాఢా మధు’ భక్షయ’ంతి |
తా నఆపః శగ్గ్ స్యోనా భ’వంతు ||
ఉత్తరాషాఢా నక్షత్ర మంత్రం
|| ఓం ||
తన్నో విశ్వే ఉప’ శృణ్వంతు దేవాః |
తద’షాఢా అభిసంయ’ంతు యఙ్ఞమ్ |
తన్నక్ష’త్రం ప్రథతాం పశుభ్యః’ |
కృషిర్వృష్టిర్యజ’మానాయ కల్పతామ్ |
శుభ్రాః కన్యా’ యువతయ’స్సుపేశ’సః |
కర్మకృత’స్సుకృతో’ వీర్యా’వతీః |
విశ్వా”న్ దేవాన్, హవిషా’ వర్ధయ’ంతీః |
అషాఢాః కామముపా’యంతు యఙ్ఞమ్ ||
అభిజిత్ నక్షత్ర మంత్రం
|| ఓం ||
యస్మిన్ బ్రహ్మాభ్యజ’యత్సర్వ’మేతత్ |
అముంచ’ లోకమిదమూ’చ సర్వమ్” |
తన్నో నక్ష’త్రమభిజిద్విజిత్య’ |
శ్రియం’ దధాత్వహృ’ణీయమానమ్ |
ఉభౌ లోకౌ బ్రహ్మ’ణా సంజి’తేమౌ |
తన్నో నక్ష’త్రమభిజిద్విచ’ష్టామ్ |
తస్మి’న్వయం పృత’నాస్సంజ’యేమ |
తన్నో’ దేవాసో అను’జానంతుకామమ్” ||
శ్రవణమ్ నక్షత్ర మంత్రం
|| ఓం ||
శృణ్వన్తి’ శ్రోణామమృత’స్య గోపామ్ |
పుణ్యా’మస్యా ఉప’శృణోమి వాచమ్” |
మహీం దేవీం విష్ణు’పత్నీమజూర్యామ్ |
ప్రతీచీ’ మేనాగ్‍మ్ హవిషా’ యజామః |
త్రేధా విష్ణు’రురుగాయో విచ’క్రమే |
మహీం దివం’ పృథివీమంతరి’క్షమ్ |
తచ్ఛ్రోణైతిశ్రవ’-ఇచ్ఛమా’నా |
పుణ్యగ్గ్ శ్లోకం యజ’మానాయ కృణ్వతీ ||
ధనిష్ఠ నక్షత్ర మంత్రం
|| ఓం ||
అష్టౌ దేవా వస’వస్సోమ్యాసః’ |
చత’స్రో దేవీరజరాః శ్రవి’ష్ఠాః |
తే యఙ్ఞం పా”ంతు రజ’సః పురస్తా”త్ |
సంవత్సరీణ’మమృతగ్గ్’ స్వస్తి |
యఙ్ఞం నః’ పాంతు వస’వః పురస్తా”త్ |
దక్షిణతో’உభియ’ంతు శ్రవి’ష్ఠాః |
పుణ్యన్నక్ష’త్రమభి సంవి’శామ |
మా నో అరా’తిరఘశగ్ంసాஉగన్న్’ ||
శతభిష నక్షత్ర మంత్రం
|| ఓం ||
క్షత్రస్య రాజా వరు’ణోஉధిరాజః |
నక్ష’త్రాణాగ్‍మ్ శతభి’షగ్వసి’ష్ఠః |
తౌ దేవేభ్యః’ కృణుతో దీర్ఘమాయుః’ |
శతగ్‍మ్ సహస్రా’ భేషజాని’ ధత్తః |
యఙ్ఞన్నోరాజా వరు’ణ ఉప’యాతు |
తన్నో విశ్వే’ అభి సంయ’ంతు దేవాః |
తన్నో నక్ష’త్రగ్‍మ్ శతభి’షగ్జుషాణమ్ |
దీర్ఘమాయుః ప్రతి’రద్భేషజాని’ ||
పూర్వాభాద్రా నక్షత్ర మంత్రం
|| ఓం ||
అజ ఏక’పాదుద’గాత్పురస్తా”త్ |
విశ్వా’ భూతాని’ ప్రతి మోద’మానః |
తస్య’ దేవాః ప్ర’సవం య’ంతి సర్వే” |
ప్రోష్ఠపదాసో’ అమృత’స్య గోపాః |
విభ్రాజ’మానస్సమిధా న ఉగ్రః |
ఆஉంతరి’క్షమరుహదగంద్యామ్ |
తగ్‍మ్ సూర్యం’ దేవమజమేక’పాదమ్ |
ప్రోష్ఠపదాసో అను’యంతి సర్వే” ||
ఉత్తరాభాద్రా నక్షత్ర మంత్రం
|| ఓం ||
అహి’ర్బుధ్నియః ప్రథ’మా న ఏతి |
శ్రేష్ఠో’ దేవానా’ముత మాను’షాణామ్ |
తం బ్రా”హ్మణాస్సో’మపాస్సోమ్యాసః’ |
ప్రోష్ఠపదాసో’ అభిర’క్షంతిసర్వే” |
చత్వార ఏక’మభి కర్మ’ దేవాః |
ప్రోష్ఠపదా స ఇతి యాన్, వద’ంతి |
తే బుధ్నియం’ పరిషద్యగ్గ్’ స్తువంతః’ |
అహిగ్‍మ్’ రక్షంతినమ’సోపసద్య’ ||
రేవతీ నక్షత్ర మంత్రం
|| ఓం ||
పూషా రేవత్యన్వే’తి పంథా”మ్ |
పుష్టిపతీ’ పశుపా వాజ’బస్త్యౌ |
ఇమాని’ హవ్యా ప్రయ’తా జుషాణా |
సుగైర్నో యానైరుప’యాతాం యఙ్ఞమ్ |
క్షుద్రాన్ పశూన్ ర’క్షతు రేవతీ’ నః |
గావో’ నో అశ్వాగ్మ్ అన్వే’తు పూషా |
అన్నగ్ం రక్ష’ంతౌ బహుధా విరూ’పమ్ |
వాజగ్‍మ్’ సనుతాంయజ’మానాయ యఙ్ఞమ్ ||
అశ్వినీ నక్షత్ర మంత్రం
|| ఓం ||
తదశ్వినా’వశ్వయుజోప’యాతామ్ |
శుభంగమి’ష్ఠౌ సుయమే’భిరశ్వై”ః |
స్వం నక్ష’త్రగ్‍మ్ హవిషా యజ’ంతౌ |
మధ్వాసంపృ’క్తౌ యజు’షాసమ’క్తౌ |
యౌ దేవానాం” భిషజౌ” హవ్యవాహౌ |
విశ్వ’స్య దూతావమృత’స్య గోపౌ |
తౌ నక్షత్రం జుజుషాణోప’యాతామ్ |
నమోஉశ్విభ్యాం” కృణుమోஉశ్వయుగ్భ్యా”మ్ ||
భరణీ నక్షత్ర మంత్రం
|| ఓం ||
అప’ పాప్మానం భర’ణీర్భరంతు |
తద్యమో రాజా భగ’వాన్, విచ’ష్టామ్ |
లోకస్య రాజా’ మహతో మహాన్, హి |
సుగం నః పంథామభ’యం కృణోతు |
యస్మిన్నక్ష’త్రే యమ ఏతి రాజా” |
యస్మి’న్నేనమభ్యషిం’చంత దేవాః |
తద’స్య చిత్రగ్‍మ్ హవిషా’ యజామ |
అప’ పాప్మానం భర’ణీర్భరంతు ||
