శివసంకల్పోపనిషత్ (శివ సంకల్పమస్తు)
యేనేదం భూతం భువనం భవిష్యత్ పరిగృహీతమమృతేన సర్వం ।
యేన యజ్ఞస్తాయతే సప్తహోతా తన్మే మనః శివసంకల్పమస్తు ॥ 1॥
యేన కర్మాణి ప్రచరంతి ధీరా యతో వాచా మనసా చారు యంతి ।
యత్సమ్మితమను సంయంతి ప్రాణినస్తన్మే మనః శివసంకల్పమస్తు ॥ 2॥
యేన కర్మాణ్యపసో మనీషిణో యజ్ఞే కృణ్వంతి విదథేషు ధీరాః ।
యదపూర్వం యక్షమంతః ప్రజానాం తన్మే మనః శివసంకల్పమస్తు ॥ 3॥
యత్ప్రజ్ఞానముత చేతో ధృతిశ్చ యజ్జ్యోతిరంతరమృతం ప్రజాసు ।
యస్మాన్న ఋతే కించన కర్మ క్రియతే తన్మే మనః శివసంకల్పమస్తు ॥ 4॥
సుషారథిరశ్వానివ యన్మనుష్యాన్నేనీయతేఽభీశుభిర్వాజిన ఇవ ।
హృత్ప్రతిష్ఠం యదజిరం జవిష్ఠం తన్మే మనః శివసంకల్పమస్తు ॥ 5॥
యస్మిన్నృచః సామ యజూషి యస్మిన్ ప్రతిష్ఠితా రథనాభావివారాః ।
యస్మింశ్చిత్తం సర్వమోతం ప్రజానాం తన్మే మనః శివసంకల్పమస్తు ॥ 6॥
యదత్ర షష్ఠం త్రిశతం సువీరం యజ్ఞస్య గుహ్యం నవనావమాయ్యం (?) ।
దశ పంచ త్రింశతం యత్పరం చ తన్మే మనః శివసంకల్పమస్తు ॥ 7॥
యజ్జాగ్రతో దూరముదైతి దైవం తదు సుప్తస్య తథైవైతి ।
దూరంగమం జ్యోతిషాం జ్యోతిరేకం తన్మే మనః శివసంకల్పమస్తు ॥ 8॥
యేన ద్యౌః పృథివీ చాంతరిక్షం చ యే పర్వతాః ప్రదిశో దిశశ్చ ।
యేనేదం జగద్వ్యాప్తం ప్రజానాం తన్మే మనః శివసంకల్పమస్తు ॥ 9॥
యేనేదం విశ్వం జగతో బభూవ యే దేవా అపి మహతో జాతవేదాః ।
తదేవాగ్నిస్తమసో జ్యోతిరేకం తన్మే మనః శివసంకల్పమస్తు ॥ 10॥
యే మనో హృదయం యే చ దేవా యే దివ్యా ఆపో యే సూర్యరశ్మిః ।
తే శ్రోత్రే చక్షుషీ సంచరంతం తన్మే మనః శివసంకల్పమస్తు ॥ 11॥
అచింత్యం చాప్రమేయం చ వ్యక్తావ్యక్తపరం చ యత ।
సూక్ష్మాత్సూక్ష్మతరం జ్ఞేయం తన్మే మనః శివసంకల్పమస్తు ॥ 12॥
ఏకా చ దశ శతం చ సహస్రం చాయుతం చ
నియుతం చ ప్రయుతం చార్బుదం చ న్యర్బుదం చ ।
సముద్రశ్చ మధ్యం చాంతశ్చ పరార్ధశ్చ
తన్మే మనః శివసంకల్పమస్తు ॥ 13॥
యే పంచ పంచదశ శతం సహస్రమయుతం న్యర్బుదం చ ।
తేఽగ్నిచిత్యేష్టకాస్తం శరీరం తన్మే మనః శివసంకల్పమస్తు ॥ 14॥
వేదాహమేతం పురుషం మహాంతమాదిత్యవర్ణం తమసః పరస్తాత్ ।
యస్య యోనిం పరిపశ్యంతి ధీరాస్తన్మే మనః శివసంకల్పమస్తు ॥
యస్యేదం ధీరాః పునంతి కవయో బ్రహ్మాణమేతం త్వా వృణుత ఇందుం ।
స్థావరం జంగమం ద్యౌరాకాశం తన్మే మనః శివసంకల్పమస్తు ॥ 16॥
పరాత్ పరతరం చైవ యత్పరాచ్చైవ యత్పరం ।
యత్పరాత్ పరతో జ్ఞేయం తన్మే మనః శివసంకల్పమస్తు ॥ 17॥
పరాత్ పరతరో బ్రహ్మా తత్పరాత్ పరతో హరిః ।
తత్పరాత్ పరతోఽధీశస్తన్మే మనః శివసంకల్పమస్తు ॥ 18॥
యా వేదాదిషు గాయత్రీ సర్వవ్యాపీ మహేశ్వరీ ।
ఋగ్యజుస్సామాథర్వైశ్చ తన్మే మనః శివసంకల్పమస్తు ॥ 19॥
యో వై దేవం మహాదేవం ప్రణవం పురుషోత్తమం ।
యః సర్వే సర్వవేదైశ్చ తన్మే మనః శివసంకల్పమస్తు ॥ 20॥
ప్రయతః ప్రణవోంకారం ప్రణవం పురుషోత్తమం ।
ఓంకారం ప్రణవాత్మానం తన్మే మనః శివసంకల్పమస్తు ॥ 21॥
యోఽసౌ సర్వేషు వేదేషు పఠ్యతే హ్యజ ఇశ్వరః ।
అకాయో నిర్గుణో హ్యాత్మా తన్మే మనః శివసంకల్పమస్తు ॥ 22॥
గోభిర్జుష్టం ధనేన హ్యాయుషా చ బలేన చ ।
ప్రజయా పశుభిః పుష్కరాక్షం తన్మే మనః శివసంకల్పమస్తు ॥ 23॥
త్రియంబకం యజామహే సుగంధిం పుష్టివర్ధనం ।
ఉర్వారుకమివ బంధనాన్మృత్యోర్ముక్షీయ
మాఽమృతాత్తన్మే మనః శివసంకల్పమస్తు ॥ 24॥
కైలాసశిఖరే రమ్యే శంకరస్య శివాలయే ।
దేవతాస్తత్ర మోదంతే తన్మే మనః శివసంకల్పమస్తు ॥ 25॥
విశ్వతశ్చక్షురుత విశ్వతోముఖో విశ్వతోహస్త ఉత విశ్వతస్పాత్ ।
సంబాహుభ్యాం నమతి సంపతత్రైర్ద్యావాపృథివీ
జనయన్ దేవ ఏకస్తన్మే మనః శివసంకల్పమస్తు ॥ 26॥
చతురో వేదానధీయీత సర్వశాస్యమయం విదుః ।
ఇతిహాసపురాణానాం తన్మే మన శివసంకన్ల్పమస్తు ॥ 27॥
మా నో మహాంతముత మా నో అర్భకం మా న ఉక్షంతముత మా న ఉక్షితం ।
మా నో వధీః పితరం మోత మాతరం ప్రియా మా నః
తనువో రుద్ర రీరిషస్తన్మే మనః శివసంకల్పమస్తు ॥ 28॥
మా నస్తోకే తనయే మా న ఆయుషి మా నో గోషు మా నో అశ్వేషు రీరిషః ।
వీరాన్మా నో రుద్ర భామితో వధీర్హవిష్మంతః
నమసా విధేమ తే తన్మే మనః శివసంకల్పమస్తు ॥ 29॥
ఋతం సత్యం పరం బ్రహ్మ పురుషం కృష్ణపింగళం ।
ఊర్ధ్వరేతం విరూపాక్షం విశ్వరూపాయ వై నమో నమః
తన్మే మనః శివసంకల్పమస్తు ॥ 30॥
కద్రుద్రాయ ప్రచేతసే మీఢుష్టమాయ తవ్యసే ।
వోచేమ శంతమం హృదే । సర్వో హ్యేష రుద్రస్తస్మై రుద్రాయ
నమో అస్తు తన్మే మనః శివసంకల్పమస్తు ॥ 31॥
బ్రహ్మ జజ్ఞానం ప్రథమం పురస్తాత్ వి సీమతః సురుచో వేన ఆవః ।
స బుధ్నియా ఉపమా అస్య విష్ఠాః సతశ్చ యోనిం
అసతశ్చ వివస్తన్మే మనః శివసంకల్పమస్తు ॥ 32॥
యః ప్రాణతో నిమిషతో మహిత్వైక ఇద్రాజా జగతో బభూవ ।
య ఈశే అస్య ద్విపదశ్చతుష్పదః కస్మై దేవాయ
హవిషా విధేమ తన్మే మనః శివసంకల్పమస్తు ॥ 33॥
య ఆత్మదా బలదా యస్య విశ్వే ఉపాసతే ప్రశిషం యస్య దేవాః ।
యస్య ఛాయాఽమృతం యస్య మృత్యుః కస్మై దేవాయ
హవిషా విధేమ తన్మే మనః శివసంకల్పమస్తు ॥ 34॥
యో రుద్రో అగ్నౌ యో అప్సు య ఓషధీషు యో రుద్రో విశ్వా భువనాఽఽవివేశ ।
తస్మై రుద్రాయ నమో అస్తు తన్మే మనః శివసంకల్పమస్తు ॥ 35॥
గంధద్వారాం దురాధర్షాం నిత్యపుష్టాం కరీషిణీం ।
ఈశ్వరీం సర్వభూతానాం తామిహోపహ్వయే శ్రియం
తన్మే మనః శివసంకల్పమస్తు ॥ 36॥
య ఇదం శివసంకల్పం సదా ధ్యాయంతి బ్రాహ్మణాః ।
తే పరం మోక్షం గమిష్యంతి తన్మే మనః శివసంకల్పమస్తు ॥ 37॥
ఇతి శివసంకల్పమంత్రాః సమాప్తాః ।
(శైవ-ఉపనిషదః)
ఇతి శివసంకల్పోపనిషత్ సమాప్త ।
This document is in शुद्ध देवनागरी with the right anusvaras marked.
शिवसङ्कल्पोपनिषत् (शिव सङ्कल्पमस्तु)
येनेदं भूतं भुवनं भविष्यत् परिगृहीतममृतेन सर्वम् ।
येन यज्ञस्तायते सप्तहोता तन्मे मनः शिवसङ्कल्पमस्तु ॥ 1॥
येन कर्माणि प्रचरन्ति धीरा यतो वाचा मनसा चारु यन्ति ।
यत्सम्मितमनु संयन्ति प्राणिनस्तन्मे मनः शिवसङ्कल्पमस्तु ॥ 2॥
येन कर्माण्यपसो मनीषिणो यज्ञे कृण्वन्ति विदथेषु धीराः ।
यदपूर्वं यक्षमन्तः प्रजानां तन्मे मनः शिवसङ्कल्पमस्तु ॥ 3॥
यत्प्रज्ञानमुत चेतो धृतिश्च यज्ज्योतिरन्तरमृतं प्रजासु ।
यस्मान्न ऋते किञ्चन कर्म क्रियते तन्मे मनः शिवसङ्कल्पमस्तु ॥ 4॥
सुषारथिरश्वानिव यन्मनुष्यान्नेनीयतेऽभीशुभिर्वाजिन इव ।
हृत्प्रतिष्ठं यदजिरं जविष्ठं तन्मे मनः शिवसङ्कल्पमस्तु ॥ 5॥
यस्मिन्नृचः साम यजूषि यस्मिन् प्रतिष्ठिता रथनाभाविवाराः ।
यस्मिंश्चित्तं सर्वमोतं प्रजानां तन्मे मनः शिवसङ्कल्पमस्तु ॥ 6॥
यदत्र षष्ठं त्रिशतं सुवीरं यज्ञस्य गुह्यं नवनावमाय्यं (?) ।
दश पञ्च त्रिंशतं यत्परं च तन्मे मनः शिवसङ्कल्पमस्तु ॥ 7॥
यज्जाग्रतो दूरमुदैति दैवं तदु सुप्तस्य तथैवैति ।
दूरङ्गमं ज्योतिषां ज्योतिरेकं तन्मे मनः शिवसङ्कल्पमस्तु ॥ 8॥
येन द्यौः पृथिवी चान्तरिक्षं च ये पर्वताः प्रदिशो दिशश्च ।
येनेदं जगद्व्याप्तं प्रजानां तन्मे मनः शिवसङ्कल्पमस्तु ॥ 9॥
येनेदं विश्वं जगतो बभूव ये देवा अपि महतो जातवेदाः ।
तदेवाग्निस्तमसो ज्योतिरेकं तन्मे मनः शिवसङ्कल्पमस्तु ॥ 10॥
ये मनो हृदयं ये च देवा ये दिव्या आपो ये सूर्यरश्मिः ।
ते श्रोत्रे चक्षुषी सञ्चरन्तं तन्मे मनः शिवसङ्कल्पमस्तु ॥ 11॥
अचिन्त्यं चाप्रमेयं च व्यक्ताव्यक्तपरं च यत ।
सूक्ष्मात्सूक्ष्मतरं ज्ञेयं तन्मे मनः शिवसङ्कल्पमस्तु ॥ 12॥
एका च दश शतं च सहस्रं चायुतं च
नियुतं च प्रयुतं चार्बुदं च न्यर्बुदं च ।
समुद्रश्च मध्यं चान्तश्च परार्धश्च
तन्मे मनः शिवसङ्कल्पमस्तु ॥ 13॥
ये पञ्च पञ्चदश शतं सहस्रमयुतं न्यर्बुदं च ।
तेऽग्निचित्येष्टकास्तं शरीरं तन्मे मनः शिवसङ्कल्पमस्तु ॥ 14॥
वेदाहमेतं पुरुषं महान्तमादित्यवर्णं तमसः परस्तात् ।
यस्य योनिं परिपश्यन्ति धीरास्तन्मे मनः शिवसङ्कल्पमस्तु ॥
यस्येदं धीराः पुनन्ति कवयो ब्रह्माणमेतं त्वा वृणुत इन्दुम् ।
स्थावरं जङ्गमं द्यौराकाशं तन्मे मनः शिवसङ्कल्पमस्तु ॥ 16॥
परात् परतरं चैव यत्पराच्चैव यत्परम् ।
यत्परात् परतो ज्ञेयं तन्मे मनः शिवसङ्कल्पमस्तु ॥ 17॥
परात् परतरो ब्रह्मा तत्परात् परतो हरिः ।
तत्परात् परतोऽधीशस्तन्मे मनः शिवसङ्कल्पमस्तु ॥ 18॥
या वेदादिषु गायत्री सर्वव्यापी महेश्वरी ।
ऋग्यजुस्सामाथर्वैश्च तन्मे मनः शिवसङ्कल्पमस्तु ॥ 19॥
यो वै देवं महादेवं प्रणवं पुरुषोत्तमम् ।
यः सर्वे सर्ववेदैश्च तन्मे मनः शिवसङ्कल्पमस्तु ॥ 20॥
प्रयतः प्रणवोङ्कारं प्रणवं पुरुषोत्तमम् ।
ओङ्कारं प्रणवात्मानं तन्मे मनः शिवसङ्कल्पमस्तु ॥ 21॥
योऽसौ सर्वेषु वेदेषु पठ्यते ह्यज इश्वरः ।
अकायो निर्गुणो ह्यात्मा तन्मे मनः शिवसङ्कल्पमस्तु ॥ 22॥
गोभिर्जुष्टं धनेन ह्यायुषा च बलेन च ।
प्रजया पशुभिः पुष्कराक्षं तन्मे मनः शिवसङ्कल्पमस्तु ॥ 23॥
त्रियम्बकं यजामहे सुगन्धिं पुष्टिवर्धनम् ।
उर्वारुकमिव बन्धनान्मृत्योर्मुक्षीय
माऽमृतात्तन्मे मनः शिवसङ्कल्पमस्तु ॥ 24॥
कैलासशिखरे रम्ये शङ्करस्य शिवालये ।
देवतास्तत्र मोदन्ते तन्मे मनः शिवसङ्कल्पमस्तु ॥ 25॥
विश्वतश्चक्षुरुत विश्वतोमुखो विश्वतोहस्त उत विश्वतस्पात् ।
सम्बाहुभ्यां नमति सम्पतत्रैर्द्यावापृथिवी
जनयन् देव एकस्तन्मे मनः शिवसङ्कल्पमस्तु ॥ 26॥
चतुरो वेदानधीयीत सर्वशास्यमयं विदुः ।
इतिहासपुराणानां तन्मे मन शिवसङ्कन्ल्पमस्तु ॥ 27॥
मा नो महान्तमुत मा नो अर्भकं मा न उक्षन्तमुत मा न उक्षितम् ।
मा नो वधीः पितरं मोत मातरं प्रिया मा नः
तनुवो रुद्र रीरिषस्तन्मे मनः शिवसङ्कल्पमस्तु ॥ 28॥
मा नस्तोके तनये मा न आयुषि मा नो गोषु मा नो अश्वेषु रीरिषः ।
वीरान्मा नो रुद्र भामितो वधीर्हविष्मन्तः
नमसा विधेम ते तन्मे मनः शिवसङ्कल्पमस्तु ॥ 29॥
ऋतं सत्यं परं ब्रह्म पुरुषं कृष्णपिङ्गलम् ।
ऊर्ध्वरेतं विरूपाक्षं विश्वरूपाय वै नमो नमः
तन्मे मनः शिवसङ्कल्पमस्तु ॥ 30॥
कद्रुद्राय प्रचेतसे मीढुष्टमाय तव्यसे ।
वोचेम शन्तमं हृदे । सर्वो ह्येष रुद्रस्तस्मै रुद्राय
नमो अस्तु तन्मे मनः शिवसङ्कल्पमस्तु ॥ 31॥
ब्रह्म जज्ञानं प्रथमं पुरस्तात् वि सीमतः सुरुचो वेन आवः ।
स बुध्निया उपमा अस्य विष्ठाः सतश्च योनिं
असतश्च विवस्तन्मे मनः शिवसङ्कल्पमस्तु ॥ 32॥
यः प्राणतो निमिषतो महित्वैक इद्राजा जगतो बभूव ।
य ईशे अस्य द्विपदश्चतुष्पदः कस्मै देवाय
हविषा विधेम तन्मे मनः शिवसङ्कल्पमस्तु ॥ 33॥
य आत्मदा बलदा यस्य विश्वे उपासते प्रशिषं यस्य देवाः ।
यस्य छायाऽमृतं यस्य मृत्युः कस्मै देवाय
हविषा विधेम तन्मे मनः शिवसङ्कल्पमस्तु ॥ 34॥
यो रुद्रो अग्नौ यो अप्सु य ओषधीषु यो रुद्रो विश्वा भुवनाऽऽविवेश ।
तस्मै रुद्राय नमो अस्तु तन्मे मनः शिवसङ्कल्पमस्तु ॥ 35॥
गन्धद्वारां दुराधर्षां नित्यपुष्टां करीषिणीम् ।
ईश्वरीं सर्वभूतानां तामिहोपह्वये श्रियं
तन्मे मनः शिवसङ्कल्पमस्तु ॥ 36॥
य इदं शिवसङ्कल्पं सदा ध्यायन्ति ब्राह्मणाः ।
ते परं मोक्षं गमिष्यन्ति तन्मे मनः शिवसङ्कल्पमस्तु ॥ 37॥
इति शिवसङ्कल्पमन्त्राः समाप्ताः ।
(शैव-उपनिषदः)
इति शिवसङ्कल्पोपनिषत् समाप्त ।
SHIVA SANKALPA UPANISHAD (SHIVA SANKALPAMASTU)
yēnēdaṃ bhūtaṃ bhuvanaṃ bhaviṣyat parigṛhītamamṛtēna sarvam ।
yēna yajñastāyatē saptahōtā tanmē manaḥ śivasaṅkalpamastu ॥ 1॥
yēna karmāṇi pracharanti dhīrā yatō vāchā manasā chāru yanti ।
yatsammitamanu saṃyanti prāṇinastanmē manaḥ śivasaṅkalpamastu ॥ 2॥
yēna karmāṇyapasō manīṣiṇō yajñē kṛṇvanti vidathēṣu dhīrāḥ ।
yadapūrvaṃ yakṣamantaḥ prajānāṃ tanmē manaḥ śivasaṅkalpamastu ॥ 3॥
yatprajñānamuta chētō dhṛtiścha yajjyōtirantaramṛtaṃ prajāsu ।
yasmānna ṛtē kiñchana karma kriyatē tanmē manaḥ śivasaṅkalpamastu ॥ 4॥
suṣārathiraśvāniva yanmanuṣyānnēnīyatēbhīśubhirvājina iva ।
hṛtpratiṣṭhaṃ yadajiraṃ javiṣṭhaṃ tanmē manaḥ śivasaṅkalpamastu ॥ 5॥
yasminnṛchaḥ sāma yajūṣi yasmin pratiṣṭhitā rathanābhāvivārāḥ ।
yasmiṃśchittaṃ sarvamōtaṃ prajānāṃ tanmē manaḥ śivasaṅkalpamastu ॥ 6॥
yadatra ṣaṣṭhaṃ triśataṃ suvīraṃ yajñasya guhyaṃ navanāvamāyyaṃ (?) ।
daśa pañcha triṃśataṃ yatparaṃ cha tanmē manaḥ śivasaṅkalpamastu ॥ 7॥
yajjāgratō dūramudaiti daivaṃ tadu suptasya tathaivaiti ।
dūraṅgamaṃ jyōtiṣāṃ jyōtirēkaṃ tanmē manaḥ śivasaṅkalpamastu ॥ 8॥
yēna dyauḥ pṛthivī chāntarikṣaṃ cha yē parvatāḥ pradiśō diśaścha ।
yēnēdaṃ jagadvyāptaṃ prajānāṃ tanmē manaḥ śivasaṅkalpamastu ॥ 9॥
yēnēdaṃ viśvaṃ jagatō babhūva yē dēvā api mahatō jātavēdāḥ ।
tadēvāgnistamasō jyōtirēkaṃ tanmē manaḥ śivasaṅkalpamastu ॥ 10॥
yē manō hṛdayaṃ yē cha dēvā yē divyā āpō yē sūryaraśmiḥ ।
tē śrōtrē chakṣuṣī sañcharantaṃ tanmē manaḥ śivasaṅkalpamastu ॥ 11॥
achintyaṃ chāpramēyaṃ cha vyaktāvyaktaparaṃ cha yata ।
sūkṣmātsūkṣmataraṃ jñēyaṃ tanmē manaḥ śivasaṅkalpamastu ॥ 12॥
ēkā cha daśa śataṃ cha sahasraṃ chāyutaṃ cha
niyutaṃ cha prayutaṃ chārbudaṃ cha nyarbudaṃ cha ।
samudraścha madhyaṃ chāntaścha parārdhaścha
tanmē manaḥ śivasaṅkalpamastu ॥ 13॥
yē pañcha pañchadaśa śataṃ sahasramayutaṃ nyarbudaṃ cha ।
tēgnichityēṣṭakāstaṃ śarīraṃ tanmē manaḥ śivasaṅkalpamastu ॥ 14॥
vēdāhamētaṃ puruṣaṃ mahāntamādityavarṇaṃ tamasaḥ parastāt ।
yasya yōniṃ paripaśyanti dhīrāstanmē manaḥ śivasaṅkalpamastu ॥
yasyēdaṃ dhīrāḥ punanti kavayō brahmāṇamētaṃ tvā vṛṇuta indum ।
sthāvaraṃ jaṅgamaṃ dyaurākāśaṃ tanmē manaḥ śivasaṅkalpamastu ॥ 16॥
parāt parataraṃ chaiva yatparāchchaiva yatparam ।
yatparāt paratō jñēyaṃ tanmē manaḥ śivasaṅkalpamastu ॥ 17॥
parāt paratarō brahmā tatparāt paratō hariḥ ।
tatparāt paratōdhīśastanmē manaḥ śivasaṅkalpamastu ॥ 18॥
yā vēdādiṣu gāyatrī sarvavyāpī mahēśvarī ।
ṛgyajussāmātharvaiścha tanmē manaḥ śivasaṅkalpamastu ॥ 19॥
yō vai dēvaṃ mahādēvaṃ praṇavaṃ puruṣōttamam ।
yaḥ sarvē sarvavēdaiścha tanmē manaḥ śivasaṅkalpamastu ॥ 20॥
prayataḥ praṇavōṅkāraṃ praṇavaṃ puruṣōttamam ।
ōṅkāraṃ praṇavātmānaṃ tanmē manaḥ śivasaṅkalpamastu ॥ 21॥
yōsau sarvēṣu vēdēṣu paṭhyatē hyaja iśvaraḥ ।
akāyō nirguṇō hyātmā tanmē manaḥ śivasaṅkalpamastu ॥ 22॥
gōbhirjuṣṭaṃ dhanēna hyāyuṣā cha balēna cha ।
prajayā paśubhiḥ puṣkarākṣaṃ tanmē manaḥ śivasaṅkalpamastu ॥ 23॥
triyambakaṃ yajāmahē sugandhiṃ puṣṭivardhanam ।
urvārukamiva bandhanānmṛtyōrmukṣīya
māmṛtāttanmē manaḥ śivasaṅkalpamastu ॥ 24॥
kailāsaśikharē ramyē śaṅkarasya śivālayē ।
dēvatāstatra mōdantē tanmē manaḥ śivasaṅkalpamastu ॥ 25॥
viśvataśchakṣuruta viśvatōmukhō viśvatōhasta uta viśvataspāt ।
sambāhubhyāṃ namati sampatatrairdyāvāpṛthivī
janayan dēva ēkastanmē manaḥ śivasaṅkalpamastu ॥ 26॥
chaturō vēdānadhīyīta sarvaśāsyamayaṃ viduḥ ।
itihāsapurāṇānāṃ tanmē mana śivasaṅkanlpamastu ॥ 27॥
mā nō mahāntamuta mā nō arbhakaṃ mā na ukṣantamuta mā na ukṣitam ।
mā nō vadhīḥ pitaraṃ mōta mātaraṃ priyā mā naḥ
tanuvō rudra rīriṣastanmē manaḥ śivasaṅkalpamastu ॥ 28॥
mā nastōkē tanayē mā na āyuṣi mā nō gōṣu mā nō aśvēṣu rīriṣaḥ ।
vīrānmā nō rudra bhāmitō vadhīrhaviṣmantaḥ
namasā vidhēma tē tanmē manaḥ śivasaṅkalpamastu ॥ 29॥
ṛtaṃ satyaṃ paraṃ brahma puruṣaṃ kṛṣṇapiṅgaḻam ।
ūrdhvarētaṃ virūpākṣaṃ viśvarūpāya vai namō namaḥ
tanmē manaḥ śivasaṅkalpamastu ॥ 30॥
kadrudrāya prachētasē mīḍhuṣṭamāya tavyasē ।
vōchēma śantamaṃ hṛdē । sarvō hyēṣa rudrastasmai rudrāya
namō astu tanmē manaḥ śivasaṅkalpamastu ॥ 31॥
brahma jajñānaṃ prathamaṃ purastāt vi sīmataḥ suruchō vēna āvaḥ ।
sa budhniyā upamā asya viṣṭhāḥ sataścha yōniṃ
asataścha vivastanmē manaḥ śivasaṅkalpamastu ॥ 32॥
yaḥ prāṇatō nimiṣatō mahitvaika idrājā jagatō babhūva ।
ya īśē asya dvipadaśchatuṣpadaḥ kasmai dēvāya
haviṣā vidhēma tanmē manaḥ śivasaṅkalpamastu ॥ 33॥
ya ātmadā baladā yasya viśvē upāsatē praśiṣaṃ yasya dēvāḥ ।
yasya Chāyāmṛtaṃ yasya mṛtyuḥ kasmai dēvāya
haviṣā vidhēma tanmē manaḥ śivasaṅkalpamastu ॥ 34॥
yō rudrō agnau yō apsu ya ōṣadhīṣu yō rudrō viśvā bhuvanāvivēśa ।
tasmai rudrāya namō astu tanmē manaḥ śivasaṅkalpamastu ॥ 35॥
gandhadvārāṃ durādharṣāṃ nityapuṣṭāṃ karīṣiṇīm ।
īśvarīṃ sarvabhūtānāṃ tāmihōpahvayē śriyaṃ
tanmē manaḥ śivasaṅkalpamastu ॥ 36॥
ya idaṃ śivasaṅkalpaṃ sadā dhyāyanti brāhmaṇāḥ ।
tē paraṃ mōkṣaṃ gamiṣyanti tanmē manaḥ śivasaṅkalpamastu ॥ 37॥
iti śivasaṅkalpamantrāḥ samāptāḥ ।
(śaiva-upaniṣadaḥ)
iti śivasaṅkalpōpaniṣat samāpta ।
ஶிவஸங்கல்போபனிஷத் (ஶிவ ஸங்கல்பமஸ்து)
யேனேத3ம் பூ4தம் பு4வனம் ப4விஷ்யத் பரிக்3ருஹீதமம்ருதேன ஸர்வம் ।
யேன யஜ்ஞஸ்தாயதே ஸப்தஹோதா தன்மே மன: ஶிவஸங்கல்பமஸ்து ॥ 1॥
யேன கர்மாணி ப்ரசரன்தி தீ4ரா யதோ வாசா மனஸா சாரு யன்தி ।
யத்ஸம்மிதமனு ஸம்யன்தி ப்ராணினஸ்தன்மே மன: ஶிவஸங்கல்பமஸ்து ॥ 2॥
யேன கர்மாண்யபஸோ மனீஷிணோ யஜ்ஞே க்ருண்வன்தி வித3தே2ஷு தீ4ரா: ।
யத3பூர்வம் யக்ஷமன்த: ப்ரஜானாம் தன்மே மன: ஶிவஸங்கல்பமஸ்து ॥ 3॥
யத்ப்ரஜ்ஞானமுத சேதோ த்4ருதிஶ்ச யஜ்ஜ்யோதிரன்தரம்ருதம் ப்ரஜாஸு ।
யஸ்மான்ன ருதே கிஞ்சன கர்ம க்ரியதே தன்மே மன: ஶிவஸங்கல்பமஸ்து ॥ 4॥
ஸுஷாரதி2ரஶ்வானிவ யன்மனுஷ்யான்னேனீயதேபீ4ஶுபி4ர்வாஜின இவ ।
ஹ்ருத்ப்ரதிஷ்ட2ம் யதஜ3ிரம் ஜவிஷ்ட2ம் தன்மே மன: ஶிவஸங்கல்பமஸ்து ॥ 5॥
யஸ்மின்ன்ருச: ஸாம யஜூஷி யஸ்மின் ப்ரதிஷ்டி2தா ரத2னாபா4விவாரா: ।
யஸ்மிம்ஶ்சித்தம் ஸர்வமோதம் ப்ரஜானாம் தன்மே மன: ஶிவஸங்கல்பமஸ்து ॥ 6॥
யத3த்ர ஷஷ்ட2ம் த்ரிஶதம் ஸுவீரம் யஜ்ஞஸ்ய கு3ஹ்யம் நவனாவமாய்யம் (?) ।
த3ஶ பஞ்ச த்ரிம்ஶதம் யத்பரம் ச தன்மே மன: ஶிவஸங்கல்பமஸ்து ॥ 7॥
யஜ்ஜாக்3ரதோ தூ3ரமுதை3தி தை3வம் தது3 ஸுப்தஸ்ய ததை2வைதி ।
தூ3ரங்க3மம் ஜ்யோதிஷாம் ஜ்யோதிரேகம் தன்மே மன: ஶிவஸங்கல்பமஸ்து ॥ 8॥
யேன த்3யௌ: ப்ருதி2வீ சான்தரிக்ஷம் ச யே பர்வதா: ப்ரதி3ஶோ தி3ஶஶ்ச ।
யேனேத3ம் ஜக3த்3வ்யாப்தம் ப்ரஜானாம் தன்மே மன: ஶிவஸங்கல்பமஸ்து ॥ 9॥
யேனேத3ம் விஶ்வம் ஜக3தோ ப3பூ4வ யே தே3வா அபி மஹதோ ஜாதவேதா3: ।
ததே3வாக்3னிஸ்தமஸோ ஜ்யோதிரேகம் தன்மே மன: ஶிவஸங்கல்பமஸ்து ॥ 1௦॥
யே மனோ ஹ்ருத3யம் யே ச தே3வா யே தி3வ்யா ஆபோ யே ஸூர்யரஶ்மி: ।
தே ஶ்ரோத்ரே சக்ஷுஷீ ஸஞ்சரன்தம் தன்மே மன: ஶிவஸங்கல்பமஸ்து ॥ 11॥
அசின்த்யம் சாப்ரமேயம் ச வ்யக்தாவ்யக்தபரம் ச யத ।
ஸூக்ஷ்மாத்ஸூக்ஷ்மதரம் ஜ்ஞேயம் தன்மே மன: ஶிவஸங்கல்பமஸ்து ॥ 12॥
ஏகா ச த3ஶ ஶதம் ச ஸஹஸ்ரம் சாயுதம் ச
நியுதம் ச ப்ரயுதம் சார்பு3த3ம் ச ந்யர்பு3த3ம் ச ।
ஸமுத்3ரஶ்ச மத்4யம் சான்தஶ்ச பரார்த4ஶ்ச
தன்மே மன: ஶிவஸங்கல்பமஸ்து ॥ 13॥
யே பஞ்ச பஞ்சத3ஶ ஶதம் ஸஹஸ்ரமயுதம் ந்யர்பு3த3ம் ச ।
தேக்3னிசித்யேஷ்டகாஸ்தம் ஶரீரம் தன்மே மன: ஶிவஸங்கல்பமஸ்து ॥ 14॥
வேதா3ஹமேதம் புருஷம் மஹான்தமாதி3த்யவர்ணம் தமஸ: பரஸ்தாத் ।
யஸ்ய யோனிம் பரிபஶ்யன்தி தீ4ராஸ்தன்மே மன: ஶிவஸங்கல்பமஸ்து ॥
யஸ்யேத3ம் தீ4ரா: புனந்தி கவயோ ப்3ரஹ்மாணமேதம் த்வா வ்ருணுத இன்து3ம் ।
ஸ்தா2வரம் ஜங்க3மம் த்3யௌராகாஶம் தன்மே மன: ஶிவஸங்கல்பமஸ்து ॥ 16॥
பராத் பரதரம் சைவ யத்பராச்சைவ யத்பரம் ।
யத்பராத் பரதோ ஜ்ஞேயம் தன்மே மன: ஶிவஸங்கல்பமஸ்து ॥ 17॥
பராத் பரதரோ ப்3ரஹ்மா தத்பராத் பரதோ ஹரி: ।
தத்பராத் பரதோதீ4ஶஸ்தன்மே மன: ஶிவஸங்கல்பமஸ்து ॥ 18॥
யா வேதா3தி3ஷு கா3யத்ரீ ஸர்வவ்யாபீ மஹேஶ்வரீ ।
ருக்3யஜுஸ்ஸாமாத2ர்வைஶ்ச தன்மே மன: ஶிவஸங்கல்பமஸ்து ॥ 19॥
யோ வை தே3வம் மஹாதே3வம் ப்ரணவம் புருஷோத்தமம் ।
ய: ஸர்வே ஸர்வவேதை3ஶ்ச தன்மே மன: ஶிவஸங்கல்பமஸ்து ॥ 2௦॥
ப்ரயத: ப்ரணவோங்காரம் ப்ரணவம் புருஷோத்தமம் ।
ஓங்காரம் ப்ரணவாத்மானம் தன்மே மன: ஶிவஸங்கல்பமஸ்து ॥ 21॥
யோஸௌ ஸர்வேஷு வேதே3ஷு பட்2யதே ஹ்யஜ இஶ்வர: ।
அகாயோ நிர்கு3ணோ ஹ்யாத்மா தன்மே மன: ஶிவஸங்கல்பமஸ்து ॥ 22॥
கோ3பி4ர்ஜுஷ்டம் த4னேன ஹ்யாயுஷா ச ப3லேன ச ।
ப்ரஜயா பஶுபி4: புஷ்கராக்ஷம் தன்மே மன: ஶிவஸங்கல்பமஸ்து ॥ 23॥
த்ரியம்ப3கம் யஜாமஹே ஸுக3ன்தி4ம் புஷ்டிவர்த4னம் ।
உர்வாருகமிவ ப3ன்த4னான்ம்ருத்யோர்முக்ஷீய
மாம்ருதாத்தன்மே மன: ஶிவஸங்கல்பமஸ்து ॥ 24॥
கைலாஸஶிக2ரே ரம்யே ஶங்கரஸ்ய ஶிவாலயே ।
தே3வதாஸ்தத்ர மோத3ன்தே தன்மே மன: ஶிவஸங்கல்பமஸ்து ॥ 25॥
விஶ்வதஶ்சக்ஷுருத விஶ்வதோமுகோ2 விஶ்வதோஹஸ்த உத விஶ்வதஸ்பாத் ।
ஸம்பா3ஹுப்4யாம் நமதி ஸம்பதத்ரைர்த்3யாவாப்ருதி2வீ
ஜனயன் தே3வ ஏகஸ்தன்மே மன: ஶிவஸங்கல்பமஸ்து ॥ 26॥
சதுரோ வேதா3னதீ4யீத ஸர்வஶாஸ்யமயம் விது3: ।
இதிஹாஸபுராணானாம் தன்மே மன ஶிவஸங்கன்ல்பமஸ்து ॥ 27॥
மா நோ மஹான்தமுத மா நோ அர்ப4கம் மா ந உக்ஷன்தமுத மா ந உக்ஷிதம் ।
மா நோ வதீ4: பிதரம் மோத மாதரம் ப்ரியா மா ந:
தனுவோ ருத்3ர ரீரிஷஸ்தன்மே மன: ஶிவஸங்கல்பமஸ்து ॥ 28॥
மா நஸ்தோகே தனயே மா ந ஆயுஷி மா நோ கோ3ஷு மா நோ அஶ்வேஷு ரீரிஷ: ।
வீரான்மா நோ ருத்3ர பா4மிதோ வதீ4ர்ஹவிஷ்மன்த:
நமஸா விதே4ம தே தன்மே மன: ஶிவஸங்கல்பமஸ்து ॥ 29॥
ருதம் ஸத்யம் பரம் ப்3ரஹ்ம புருஷம் க்ருஷ்ணபிங்க3ல்த3ம் ।
ஊர்த்4வரேதம் விரூபாக்ஷம் விஶ்வரூபாய வை நமோ நம:
தன்மே மன: ஶிவஸங்கல்பமஸ்து ॥ 3௦॥
கத்3ருத்3ராய ப்ரசேதஸே மீடு4ஷ்டமாய தவ்யஸே ।
வோசேம ஶன்தமம் ஹ்ருதே3 । ஸர்வோ ஹ்யேஷ ருத்3ரஸ்தஸ்மை ருத்3ராய
நமோ அஸ்து தன்மே மன: ஶிவஸங்கல்பமஸ்து ॥ 31॥
ப்3ரஹ்ம ஜஜ்ஞானம் ப்ரத2மம் புரஸ்தாத் வி ஸீமத: ஸுருசோ வேன ஆவ: ।
ஸ பு3த்4னியா உபமா அஸ்ய விஷ்டா2: ஸதஶ்ச யோனிம்
அஸதஶ்ச விவஸ்தன்மே மன: ஶிவஸங்கல்பமஸ்து ॥ 32॥
ய: ப்ராணதோ நிமிஷதோ மஹித்வைக இத்3ராஜா ஜக3தோ ப3பூ4வ ।
ய ஈஶே அஸ்ய த்3விபத3ஶ்சதுஷ்பத:3 கஸ்மை தே3வாய
ஹவிஷா விதே4ம தன்மே மன: ஶிவஸங்கல்பமஸ்து ॥ 33॥
ய ஆத்மதா3 ப3லதா3 யஸ்ய விஶ்வே உபாஸதே ப்ரஶிஷம் யஸ்ய தே3வா: ।
யஸ்ய சா2யாம்ருதம் யஸ்ய ம்ருத்யு: கஸ்மை தே3வாய
ஹவிஷா விதே4ம தன்மே மன: ஶிவஸங்கல்பமஸ்து ॥ 34॥
யோ ருத்3ரோ அக்3னௌ யோ அப்ஸு ய ஓஷதீ4ஷு யோ ருத்3ரோ விஶ்வா பு4வனாவிவேஶ ।
தஸ்மை ருத்3ராய நமோ அஸ்து தன்மே மன: ஶிவஸங்கல்பமஸ்து ॥ 35॥
க3ன்த4த்3வாராம் து3ராத4ர்ஷாம் நித்யபுஷ்டாம் கரீஷிணீம் ।
ஈஶ்வரீம் ஸர்வபூ4தானாம் தாமிஹோபஹ்வயே ஶ்ரியம்
தன்மே மன: ஶிவஸங்கல்பமஸ்து ॥ 36॥
ய இத3ம் ஶிவஸங்கல்பம் ஸதா3 த்4யாயன்தி ப்3ராஹ்மணா: ।
தே பரம் மோக்ஷம் க3மிஷ்யன்தி தன்மே மன: ஶிவஸங்கல்பமஸ்து ॥ 37॥
இதி ஶிவஸங்கல்பமன்த்ரா: ஸமாப்தா: ।
(ஶைவ-உபனிஷத:3)
இதி ஶிவஸங்கல்போபனிஷத் ஸமாப்த ।
ಶಿವಸಂಕಲ್ಪೋಪನಿಷತ್ (ಶಿವ ಸಂಕಲ್ಪಮಸ್ತು)
ಯೇನೇದಂ ಭೂತಂ ಭುವನಂ ಭವಿಷ್ಯತ್ ಪರಿಗೃಹೀತಮಮೃತೇನ ಸರ್ವಂ ।
ಯೇನ ಯಜ್ಞಸ್ತಾಯತೇ ಸಪ್ತಹೋತಾ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 1॥
ಯೇನ ಕರ್ಮಾಣಿ ಪ್ರಚರಂತಿ ಧೀರಾ ಯತೋ ವಾಚಾ ಮನಸಾ ಚಾರು ಯಂತಿ ।
ಯತ್ಸಮ್ಮಿತಮನು ಸಂಯಂತಿ ಪ್ರಾಣಿನಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 2॥
ಯೇನ ಕರ್ಮಾಣ್ಯಪಸೋ ಮನೀಷಿಣೋ ಯಜ್ಞೇ ಕೃಣ್ವಂತಿ ವಿದಥೇಷು ಧೀರಾಃ ।
ಯದಪೂರ್ವಂ ಯಕ್ಷಮಂತಃ ಪ್ರಜಾನಾಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 3॥
ಯತ್ಪ್ರಜ್ಞಾನಮುತ ಚೇತೋ ಧೃತಿಶ್ಚ ಯಜ್ಜ್ಯೋತಿರಂತರಮೃತಂ ಪ್ರಜಾಸು ।
ಯಸ್ಮಾನ್ನ ಋತೇ ಕಿಂಚನ ಕರ್ಮ ಕ್ರಿಯತೇ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 4॥
ಸುಷಾರಥಿರಶ್ವಾನಿವ ಯನ್ಮನುಷ್ಯಾನ್ನೇನೀಯತೇಽಭೀಶುಭಿರ್ವಾಜಿನ ಇವ ।
ಹೃತ್ಪ್ರತಿಷ್ಠಂ ಯದಜಿರಂ ಜವಿಷ್ಠಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 5॥
ಯಸ್ಮಿನ್ನೃಚಃ ಸಾಮ ಯಜೂಷಿ ಯಸ್ಮಿನ್ ಪ್ರತಿಷ್ಠಿತಾ ರಥನಾಭಾವಿವಾರಾಃ ।
ಯಸ್ಮಿಂಶ್ಚಿತ್ತಂ ಸರ್ವಮೋತಂ ಪ್ರಜಾನಾಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 6॥
ಯದತ್ರ ಷಷ್ಠಂ ತ್ರಿಶತಂ ಸುವೀರಂ ಯಜ್ಞಸ್ಯ ಗುಹ್ಯಂ ನವನಾವಮಾಯ್ಯಂ (?) ।
ದಶ ಪಂಚ ತ್ರಿಂಶತಂ ಯತ್ಪರಂ ಚ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 7॥
ಯಜ್ಜಾಗ್ರತೋ ದೂರಮುದೈತಿ ದೈವಂ ತದು ಸುಪ್ತಸ್ಯ ತಥೈವೈತಿ ।
ದೂರಂಗಮಂ ಜ್ಯೋತಿಷಾಂ ಜ್ಯೋತಿರೇಕಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 8॥
ಯೇನ ದ್ಯೌಃ ಪೃಥಿವೀ ಚಾಂತರಿಕ್ಷಂ ಚ ಯೇ ಪರ್ವತಾಃ ಪ್ರದಿಶೋ ದಿಶಶ್ಚ ।
ಯೇನೇದಂ ಜಗದ್ವ್ಯಾಪ್ತಂ ಪ್ರಜಾನಾಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 9॥
ಯೇನೇದಂ ವಿಶ್ವಂ ಜಗತೋ ಬಭೂವ ಯೇ ದೇವಾ ಅಪಿ ಮಹತೋ ಜಾತವೇದಾಃ ।
ತದೇವಾಗ್ನಿಸ್ತಮಸೋ ಜ್ಯೋತಿರೇಕಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 10॥
ಯೇ ಮನೋ ಹೃದಯಂ ಯೇ ಚ ದೇವಾ ಯೇ ದಿವ್ಯಾ ಆಪೋ ಯೇ ಸೂರ್ಯರಶ್ಮಿಃ ।
ತೇ ಶ್ರೋತ್ರೇ ಚಕ್ಷುಷೀ ಸಂಚರಂತಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 11॥
ಅಚಿಂತ್ಯಂ ಚಾಪ್ರಮೇಯಂ ಚ ವ್ಯಕ್ತಾವ್ಯಕ್ತಪರಂ ಚ ಯತ ।
ಸೂಕ್ಷ್ಮಾತ್ಸೂಕ್ಷ್ಮತರಂ ಜ್ಞೇಯಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 12॥
ಏಕಾ ಚ ದಶ ಶತಂ ಚ ಸಹಸ್ರಂ ಚಾಯುತಂ ಚ
ನಿಯುತಂ ಚ ಪ್ರಯುತಂ ಚಾರ್ಬುದಂ ಚ ನ್ಯರ್ಬುದಂ ಚ ।
ಸಮುದ್ರಶ್ಚ ಮಧ್ಯಂ ಚಾಂತಶ್ಚ ಪರಾರ್ಧಶ್ಚ
ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 13॥
ಯೇ ಪಂಚ ಪಂಚದಶ ಶತಂ ಸಹಸ್ರಮಯುತಂ ನ್ಯರ್ಬುದಂ ಚ ।
ತೇಽಗ್ನಿಚಿತ್ಯೇಷ್ಟಕಾಸ್ತಂ ಶರೀರಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 14॥
ವೇದಾಹಮೇತಂ ಪುರುಷಂ ಮಹಾಂತಮಾದಿತ್ಯವರ್ಣಂ ತಮಸಃ ಪರಸ್ತಾತ್ ।
ಯಸ್ಯ ಯೋನಿಂ ಪರಿಪಶ್ಯಂತಿ ಧೀರಾಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥
ಯಸ್ಯೇದಂ ಧೀರಾಃ ಪುನಂತಿ ಕವಯೋ ಬ್ರಹ್ಮಾಣಮೇತಂ ತ್ವಾ ವೃಣುತ ಇಂದುಂ ।
ಸ್ಥಾವರಂ ಜಂಗಮಂ ದ್ಯೌರಾಕಾಶಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 16॥
ಪರಾತ್ ಪರತರಂ ಚೈವ ಯತ್ಪರಾಚ್ಚೈವ ಯತ್ಪರಂ ।
ಯತ್ಪರಾತ್ ಪರತೋ ಜ್ಞೇಯಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 17॥
ಪರಾತ್ ಪರತರೋ ಬ್ರಹ್ಮಾ ತತ್ಪರಾತ್ ಪರತೋ ಹರಿಃ ।
ತತ್ಪರಾತ್ ಪರತೋಽಧೀಶಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 18॥
ಯಾ ವೇದಾದಿಷು ಗಾಯತ್ರೀ ಸರ್ವವ್ಯಾಪೀ ಮಹೇಶ್ವರೀ ।
ಋಗ್ಯಜುಸ್ಸಾಮಾಥರ್ವೈಶ್ಚ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 19॥
ಯೋ ವೈ ದೇವಂ ಮಹಾದೇವಂ ಪ್ರಣವಂ ಪುರುಷೋತ್ತಮಂ ।
ಯಃ ಸರ್ವೇ ಸರ್ವವೇದೈಶ್ಚ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 20॥
ಪ್ರಯತಃ ಪ್ರಣವೋಂಕಾರಂ ಪ್ರಣವಂ ಪುರುಷೋತ್ತಮಂ ।
ಓಂಕಾರಂ ಪ್ರಣವಾತ್ಮಾನಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 21॥
ಯೋಽಸೌ ಸರ್ವೇಷು ವೇದೇಷು ಪಠ್ಯತೇ ಹ್ಯಜ ಇಶ್ವರಃ ।
ಅಕಾಯೋ ನಿರ್ಗುಣೋ ಹ್ಯಾತ್ಮಾ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 22॥
ಗೋಭಿರ್ಜುಷ್ಟಂ ಧನೇನ ಹ್ಯಾಯುಷಾ ಚ ಬಲೇನ ಚ ।
ಪ್ರಜಯಾ ಪಶುಭಿಃ ಪುಷ್ಕರಾಕ್ಷಂ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 23॥
ತ್ರಿಯಂಬಕಂ ಯಜಾಮಹೇ ಸುಗಂಧಿಂ ಪುಷ್ಟಿವರ್ಧನಂ ।
ಉರ್ವಾರುಕಮಿವ ಬಂಧನಾನ್ಮೃತ್ಯೋರ್ಮುಕ್ಷೀಯ
ಮಾಽಮೃತಾತ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 24॥
ಕೈಲಾಸಶಿಖರೇ ರಮ್ಯೇ ಶಂಕರಸ್ಯ ಶಿವಾಲಯೇ ।
ದೇವತಾಸ್ತತ್ರ ಮೋದಂತೇ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 25॥
ವಿಶ್ವತಶ್ಚಕ್ಷುರುತ ವಿಶ್ವತೋಮುಖೋ ವಿಶ್ವತೋಹಸ್ತ ಉತ ವಿಶ್ವತಸ್ಪಾತ್ ।
ಸಂಬಾಹುಭ್ಯಾಂ ನಮತಿ ಸಂಪತತ್ರೈರ್ದ್ಯಾವಾಪೃಥಿವೀ
ಜನಯನ್ ದೇವ ಏಕಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 26॥
ಚತುರೋ ವೇದಾನಧೀಯೀತ ಸರ್ವಶಾಸ್ಯಮಯಂ ವಿದುಃ ।
ಇತಿಹಾಸಪುರಾಣಾನಾಂ ತನ್ಮೇ ಮನ ಶಿವಸಂಕನ್ಲ್ಪಮಸ್ತು ॥ 27॥
ಮಾ ನೋ ಮಹಾಂತಮುತ ಮಾ ನೋ ಅರ್ಭಕಂ ಮಾ ನ ಉಕ್ಷಂತಮುತ ಮಾ ನ ಉಕ್ಷಿತಂ ।
ಮಾ ನೋ ವಧೀಃ ಪಿತರಂ ಮೋತ ಮಾತರಂ ಪ್ರಿಯಾ ಮಾ ನಃ
ತನುವೋ ರುದ್ರ ರೀರಿಷಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 28॥
ಮಾ ನಸ್ತೋಕೇ ತನಯೇ ಮಾ ನ ಆಯುಷಿ ಮಾ ನೋ ಗೋಷು ಮಾ ನೋ ಅಶ್ವೇಷು ರೀರಿಷಃ ।
ವೀರಾನ್ಮಾ ನೋ ರುದ್ರ ಭಾಮಿತೋ ವಧೀರ್ಹವಿಷ್ಮಂತಃ
ನಮಸಾ ವಿಧೇಮ ತೇ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 29॥
ಋತಂ ಸತ್ಯಂ ಪರಂ ಬ್ರಹ್ಮ ಪುರುಷಂ ಕೃಷ್ಣಪಿಂಗಳಂ ।
ಊರ್ಧ್ವರೇತಂ ವಿರೂಪಾಕ್ಷಂ ವಿಶ್ವರೂಪಾಯ ವೈ ನಮೋ ನಮಃ
ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 30॥
ಕದ್ರುದ್ರಾಯ ಪ್ರಚೇತಸೇ ಮೀಢುಷ್ಟಮಾಯ ತವ್ಯಸೇ ।
ವೋಚೇಮ ಶಂತಮಂ ಹೃದೇ । ಸರ್ವೋ ಹ್ಯೇಷ ರುದ್ರಸ್ತಸ್ಮೈ ರುದ್ರಾಯ
ನಮೋ ಅಸ್ತು ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 31॥
ಬ್ರಹ್ಮ ಜಜ್ಞಾನಂ ಪ್ರಥಮಂ ಪುರಸ್ತಾತ್ ವಿ ಸೀಮತಃ ಸುರುಚೋ ವೇನ ಆವಃ ।
ಸ ಬುಧ್ನಿಯಾ ಉಪಮಾ ಅಸ್ಯ ವಿಷ್ಠಾಃ ಸತಶ್ಚ ಯೋನಿಂ
ಅಸತಶ್ಚ ವಿವಸ್ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 32॥
ಯಃ ಪ್ರಾಣತೋ ನಿಮಿಷತೋ ಮಹಿತ್ವೈಕ ಇದ್ರಾಜಾ ಜಗತೋ ಬಭೂವ ।
ಯ ಈಶೇ ಅಸ್ಯ ದ್ವಿಪದಶ್ಚತುಷ್ಪದಃ ಕಸ್ಮೈ ದೇವಾಯ
ಹವಿಷಾ ವಿಧೇಮ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 33॥
ಯ ಆತ್ಮದಾ ಬಲದಾ ಯಸ್ಯ ವಿಶ್ವೇ ಉಪಾಸತೇ ಪ್ರಶಿಷಂ ಯಸ್ಯ ದೇವಾಃ ।
ಯಸ್ಯ ಛಾಯಾಽಮೃತಂ ಯಸ್ಯ ಮೃತ್ಯುಃ ಕಸ್ಮೈ ದೇವಾಯ
ಹವಿಷಾ ವಿಧೇಮ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 34॥
ಯೋ ರುದ್ರೋ ಅಗ್ನೌ ಯೋ ಅಪ್ಸು ಯ ಓಷಧೀಷು ಯೋ ರುದ್ರೋ ವಿಶ್ವಾ ಭುವನಾಽಽವಿವೇಶ ।
ತಸ್ಮೈ ರುದ್ರಾಯ ನಮೋ ಅಸ್ತು ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 35॥
ಗಂಧದ್ವಾರಾಂ ದುರಾಧರ್ಷಾಂ ನಿತ್ಯಪುಷ್ಟಾಂ ಕರೀಷಿಣೀಂ ।
ಈಶ್ವರೀಂ ಸರ್ವಭೂತಾನಾಂ ತಾಮಿಹೋಪಹ್ವಯೇ ಶ್ರಿಯಂ
ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 36॥
ಯ ಇದಂ ಶಿವಸಂಕಲ್ಪಂ ಸದಾ ಧ್ಯಾಯಂತಿ ಬ್ರಾಹ್ಮಣಾಃ ।
ತೇ ಪರಂ ಮೋಕ್ಷಂ ಗಮಿಷ್ಯಂತಿ ತನ್ಮೇ ಮನಃ ಶಿವಸಂಕಲ್ಪಮಸ್ತು ॥ 37॥
ಇತಿ ಶಿವಸಂಕಲ್ಪಮಂತ್ರಾಃ ಸಮಾಪ್ತಾಃ ।
(ಶೈವ-ಉಪನಿಷದಃ)
ಇತಿ ಶಿವಸಂಕಲ್ಪೋಪನಿಷತ್ ಸಮಾಪ್ತ ।
ശിവസംകല്പോപനിഷത് (ശിവ സംകല്പമസ്തു)
യേനേദം ഭൂതം ഭുവനം ഭവിഷ്യത് പരിഗൃഹീതമമൃതേന സര്വമ് ।
യേന യജ്ഞസ്തായതേ സപ്തഹോതാ തന്മേ മനഃ ശിവസംകല്പമസ്തു ॥ 1॥
യേന കര്മാണി പ്രചരംതി ധീരാ യതോ വാചാ മനസാ ചാരു യംതി ।
യത്സമ്മിതമനു സംയംതി പ്രാണിനസ്തന്മേ മനഃ ശിവസംകല്പമസ്തു ॥ 2॥
യേന കര്മാണ്യപസോ മനീഷിണോ യജ്ഞേ കൃണ്വംതി വിദഥേഷു ധീരാഃ ।
യദപൂര്വം യക്ഷമംതഃ പ്രജാനാം തന്മേ മനഃ ശിവസംകല്പമസ്തു ॥ 3॥
യത്പ്രജ്ഞാനമുത ചേതോ ധൃതിശ്ച യജ്ജ്യോതിരംതരമൃതം പ്രജാസു ।
യസ്മാന്ന ഋതേ കിംചന കര്മ ക്രിയതേ തന്മേ മനഃ ശിവസംകല്പമസ്തു ॥ 4॥
സുഷാരഥിരശ്വാനിവ യന്മനുഷ്യാന്നേനീയതേഽഭീശുഭിര്വാജിന ഇവ ।
ഹൃത്പ്രതിഷ്ഠം യദജിരം ജവിഷ്ഠം തന്മേ മനഃ ശിവസംകല്പമസ്തു ॥ 5॥
യസ്മിന്നൃചഃ സാമ യജൂഷി യസ്മിന് പ്രതിഷ്ഠിതാ രഥനാഭാവിവാരാഃ ।
യസ്മിംശ്ചിത്തം സര്വമോതം പ്രജാനാം തന്മേ മനഃ ശിവസംകല്പമസ്തു ॥ 6॥
യദത്ര ഷഷ്ഠം ത്രിശതം സുവീരം യജ്ഞസ്യ ഗുഹ്യം നവനാവമായ്യം (?) ।
ദശ പംച ത്രിംശതം യത്പരം ച തന്മേ മനഃ ശിവസംകല്പമസ്തു ॥ 7॥
യജ്ജാഗ്രതോ ദൂരമുദൈതി ദൈവം തദു സുപ്തസ്യ തഥൈവൈതി ।
ദൂരംഗമം ജ്യോതിഷാം ജ്യോതിരേകം തന്മേ മനഃ ശിവസംകല്പമസ്തു ॥ 8॥
യേന ദ്യൌഃ പൃഥിവീ ചാംതരിക്ഷം ച യേ പര്വതാഃ പ്രദിശോ ദിശശ്ച ।
യേനേദം ജഗദ്വ്യാപ്തം പ്രജാനാം തന്മേ മനഃ ശിവസംകല്പമസ്തു ॥ 9॥
യേനേദം വിശ്വം ജഗതോ ബഭൂവ യേ ദേവാ അപി മഹതോ ജാതവേദാഃ ।
തദേവാഗ്നിസ്തമസോ ജ്യോതിരേകം തന്മേ മനഃ ശിവസംകല്പമസ്തു ॥ 10॥
യേ മനോ ഹൃദയം യേ ച ദേവാ യേ ദിവ്യാ ആപോ യേ സൂര്യരശ്മിഃ ।
തേ ശ്രോത്രേ ചക്ഷുഷീ സംചരംതം തന്മേ മനഃ ശിവസംകല്പമസ്തു ॥ 11॥
അചിംത്യം ചാപ്രമേയം ച വ്യക്താവ്യക്തപരം ച യത ।
സൂക്ഷ്മാത്സൂക്ഷ്മതരം ജ്ഞേയം തന്മേ മനഃ ശിവസംകല്പമസ്തു ॥ 12॥
ഏകാ ച ദശ ശതം ച സഹസ്രം ചായുതം ച
നിയുതം ച പ്രയുതം ചാര്ബുദം ച ന്യര്ബുദം ച ।
സമുദ്രശ്ച മധ്യം ചാംതശ്ച പരാര്ധശ്ച
തന്മേ മനഃ ശിവസംകല്പമസ്തു ॥ 13॥
യേ പംച പംചദശ ശതം സഹസ്രമയുതം ന്യര്ബുദം ച ।
തേഽഗ്നിചിത്യേഷ്ടകാസ്തം ശരീരം തന്മേ മനഃ ശിവസംകല്പമസ്തു ॥ 14॥
വേദാഹമേതം പുരുഷം മഹാംതമാദിത്യവര്ണം തമസഃ പരസ്താത് ।
യസ്യ യോനിം പരിപശ്യംതി ധീരാസ്തന്മേ മനഃ ശിവസംകല്പമസ്തു ॥
യസ്യേദം ധീരാഃ പുനംതി കവയോ ബ്രഹ്മാണമേതം ത്വാ വൃണുത ഇംദുമ് ।
സ്ഥാവരം ജംഗമം ദ്യൌരാകാശം തന്മേ മനഃ ശിവസംകല്പമസ്തു ॥ 16॥
പരാത് പരതരം ചൈവ യത്പരാച്ചൈവ യത്പരമ് ।
യത്പരാത് പരതോ ജ്ഞേയം തന്മേ മനഃ ശിവസംകല്പമസ്തു ॥ 17॥
പരാത് പരതരോ ബ്രഹ്മാ തത്പരാത് പരതോ ഹരിഃ ।
തത്പരാത് പരതോഽധീശസ്തന്മേ മനഃ ശിവസംകല്പമസ്തു ॥ 18॥
യാ വേദാദിഷു ഗായത്രീ സര്വവ്യാപീ മഹേശ്വരീ ।
ഋഗ്യജുസ്സാമാഥര്വൈശ്ച തന്മേ മനഃ ശിവസംകല്പമസ്തു ॥ 19॥
യോ വൈ ദേവം മഹാദേവം പ്രണവം പുരുഷോത്തമമ് ।
യഃ സര്വേ സര്വവേദൈശ്ച തന്മേ മനഃ ശിവസംകല്പമസ്തു ॥ 20॥
പ്രയതഃ പ്രണവോംകാരം പ്രണവം പുരുഷോത്തമമ് ।
ഓംകാരം പ്രണവാത്മാനം തന്മേ മനഃ ശിവസംകല്പമസ്തു ॥ 21॥
യോഽസൌ സര്വേഷു വേദേഷു പഠ്യതേ ഹ്യജ ഇശ്വരഃ ।
അകായോ നിര്ഗുണോ ഹ്യാത്മാ തന്മേ മനഃ ശിവസംകല്പമസ്തു ॥ 22॥
ഗോഭിര്ജുഷ്ടം ധനേന ഹ്യായുഷാ ച ബലേന ച ।
പ്രജയാ പശുഭിഃ പുഷ്കരാക്ഷം തന്മേ മനഃ ശിവസംകല്പമസ്തു ॥ 23॥
ത്രിയംബകം യജാമഹേ സുഗംധിം പുഷ്ടിവര്ധനമ് ।
ഉര്വാരുകമിവ ബംധനാന്മൃത്യോര്മുക്ഷീയ
മാഽമൃതാത്തന്മേ മനഃ ശിവസംകല്പമസ്തു ॥ 24॥
കൈലാസശിഖരേ രമ്യേ ശംകരസ്യ ശിവാലയേ ।
ദേവതാസ്തത്ര മോദംതേ തന്മേ മനഃ ശിവസംകല്പമസ്തു ॥ 25॥
വിശ്വതശ്ചക്ഷുരുത വിശ്വതോമുഖോ വിശ്വതോഹസ്ത ഉത വിശ്വതസ്പാത് ।
സംബാഹുഭ്യാം നമതി സംപതത്രൈര്ദ്യാവാപൃഥിവീ
ജനയന് ദേവ ഏകസ്തന്മേ മനഃ ശിവസംകല്പമസ്തു ॥ 26॥
ചതുരോ വേദാനധീയീത സര്വശാസ്യമയം വിദുഃ ।
ഇതിഹാസപുരാണാനാം തന്മേ മന ശിവസംകന്ല്പമസ്തു ॥ 27॥
മാ നോ മഹാംതമുത മാ നോ അര്ഭകം മാ ന ഉക്ഷംതമുത മാ ന ഉക്ഷിതമ് ।
മാ നോ വധീഃ പിതരം മോത മാതരം പ്രിയാ മാ നഃ
തനുവോ രുദ്ര രീരിഷസ്തന്മേ മനഃ ശിവസംകല്പമസ്തു ॥ 28॥
മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।
വീരാന്മാ നോ രുദ്ര ഭാമിതോ വധീര്ഹവിഷ്മംതഃ
നമസാ വിധേമ തേ തന്മേ മനഃ ശിവസംകല്പമസ്തു ॥ 29॥
ഋതം സത്യം പരം ബ്രഹ്മ പുരുഷം കൃഷ്ണപിംഗലമ് ।
ഊര്ധ്വരേതം വിരൂപാക്ഷം വിശ്വരൂപായ വൈ നമോ നമഃ
തന്മേ മനഃ ശിവസംകല്പമസ്തു ॥ 30॥
കദ്രുദ്രായ പ്രചേതസേ മീഢുഷ്ടമായ തവ്യസേ ।
വോചേമ ശംതമം ഹൃദേ । സര്വോ ഹ്യേഷ രുദ്രസ്തസ്മൈ രുദ്രായ
നമോ അസ്തു തന്മേ മനഃ ശിവസംകല്പമസ്തു ॥ 31॥
ബ്രഹ്മ ജജ്ഞാനം പ്രഥമം പുരസ്താത് വി സീമതഃ സുരുചോ വേന ആവഃ ।
സ ബുധ്നിയാ ഉപമാ അസ്യ വിഷ്ഠാഃ സതശ്ച യോനിം
അസതശ്ച വിവസ്തന്മേ മനഃ ശിവസംകല്പമസ്തു ॥ 32॥
യഃ പ്രാണതോ നിമിഷതോ മഹിത്വൈക ഇദ്രാജാ ജഗതോ ബഭൂവ ।
യ ഈശേ അസ്യ ദ്വിപദശ്ചതുഷ്പദഃ കസ്മൈ ദേവായ
ഹവിഷാ വിധേമ തന്മേ മനഃ ശിവസംകല്പമസ്തു ॥ 33॥
യ ആത്മദാ ബലദാ യസ്യ വിശ്വേ ഉപാസതേ പ്രശിഷം യസ്യ ദേവാഃ ।
യസ്യ ഛായാഽമൃതം യസ്യ മൃത്യുഃ കസ്മൈ ദേവായ
ഹവിഷാ വിധേമ തന്മേ മനഃ ശിവസംകല്പമസ്തു ॥ 34॥
യോ രുദ്രോ അഗ്നൌ യോ അപ്സു യ ഓഷധീഷു യോ രുദ്രോ വിശ്വാ ഭുവനാഽഽവിവേശ ।
തസ്മൈ രുദ്രായ നമോ അസ്തു തന്മേ മനഃ ശിവസംകല്പമസ്തു ॥ 35॥
ഗംധദ്വാരാം ദുരാധര്ഷാം നിത്യപുഷ്ടാം കരീഷിണീമ് ।
ഈശ്വരീം സര്വഭൂതാനാം താമിഹോപഹ്വയേ ശ്രിയം
തന്മേ മനഃ ശിവസംകല്പമസ്തു ॥ 36॥
യ ഇദം ശിവസംകല്പം സദാ ധ്യായംതി ബ്രാഹ്മണാഃ ।
തേ പരം മോക്ഷം ഗമിഷ്യംതി തന്മേ മനഃ ശിവസംകല്പമസ്തു ॥ 37॥
ഇതി ശിവസംകല്പമംത്രാഃ സമാപ്താഃ ।
(ശൈവ-ഉപനിഷദഃ)
ഇതി ശിവസംകല്പോപനിഷത് സമാപ്ത ।
Sponsored by: Srinivas Vadarevu - Principal Applied Scientist Lead, Microsoft Bing, Sunnyvale, CA - USA.
