 |
| కృష్ణ |
బాల ముకుందాష్టకం
కరారవిందేన పదారవిందం ముఖారవిందే వినివేశయంతం ।
వటస్య పత్రస్య పుటే శయానం బాలం ముకుందం మనసా స్మరామి ॥ 1 ॥
సంహృత్య లోకాన్వటపత్రమధ్యే శయానమాద్యంతవిహీనరూపం ।
సర్వేశ్వరం సర్వహితావతారం బాలం ముకుందం మనసా స్మరామి ॥ 2 ॥
ఇందీవరశ్యామలకోమలాంగం ఇంద్రాదిదేవార్చితపాదపద్మం ।
సంతానకల్పద్రుమమాశ్రితానాం బాలం ముకుందం మనసా స్మరామి ॥ 3 ॥
లంబాలకం లంబితహారయష్టిం శృంగారలీలాంకితదంతపంక్తిం ।
బింబాధరం చారువిశాలనేత్రం బాలం ముకుందం మనసా స్మరామి ॥ 4 ॥
శిక్యే నిధాయాద్యపయోదధీని బహిర్గతాయాం వ్రజనాయికాయాం ।
భుక్త్వా యథేష్టం కపటేన సుప్తం బాలం ముకుందం మనసా స్మరామి ॥ 5 ॥
కలిందజాంతస్థితకాలియస్య ఫణాగ్రరంగేనటనప్రియంతం ।
తత్పుచ్ఛహస్తం శరదిందువక్త్రం బాలం ముకుందం మనసా స్మరామి ॥ 6 ॥
ఉలూఖలే బద్ధముదారశౌర్యం ఉత్తుంగయుగ్మార్జున భంగలీలం ।
ఉత్ఫుల్లపద్మాయత చారునేత్రం బాలం ముకుందం మనసా స్మరామి ॥ 7 ॥
ఆలోక్య మాతుర్ముఖమాదరేణ స్తన్యం పిబంతం సరసీరుహాక్షం ।
సచ్చిన్మయం దేవమనంతరూపం బాలం ముకుందం మనసా స్మరామి ॥ 8 ॥
बाल मुकुन्दाष्टकम्
This document is in शुद्ध देवनागरी ( Samskritam ) with the right anusvaras marked.
करारविन्देन पदारविन्दं मुखारविन्दे विनिवेशयन्तम् ।
वटस्य पत्रस्य पुटे शयानं बालं मुकुन्दं मनसा स्मरामि ॥ 1 ॥
संहृत्य लोकान्वटपत्रमध्ये शयानमाद्यन्तविहीनरूपम् ।
सर्वेश्वरं सर्वहितावतारं बालं मुकुन्दं मनसा स्मरामि ॥ 2 ॥
इन्दीवरश्यामलकोमलाङ्गं इन्द्रादिदेवार्चितपादपद्मम् ।
सन्तानकल्पद्रुममाश्रितानां बालं मुकुन्दं मनसा स्मरामि ॥ 3 ॥
लम्बालकं लम्बितहारयष्टिं शृङ्गारलीलाङ्कितदन्तपङ्क्तिम् ।
बिम्बाधरं चारुविशालनेत्रं बालं मुकुन्दं मनसा स्मरामि ॥ 4 ॥
शिक्ये निधायाद्यपयोदधीनि बहिर्गतायां व्रजनायिकायाम् ।
भुक्त्वा यथेष्टं कपटेन सुप्तं बालं मुकुन्दं मनसा स्मरामि ॥ 5 ॥
कलिन्दजान्तस्थितकालियस्य फणाग्ररङ्गेनटनप्रियन्तम् ।
तत्पुच्छहस्तं शरदिन्दुवक्त्रं बालं मुकुन्दं मनसा स्मरामि ॥ 6 ॥
उलूखले बद्धमुदारशौर्यं उत्तुङ्गयुग्मार्जुन भङ्गलीलम् ।
उत्फुल्लपद्मायत चारुनेत्रं बालं मुकुन्दं मनसा स्मरामि ॥ 7 ॥
आलोक्य मातुर्मुखमादरेण स्तन्यं पिबन्तं सरसीरुहाक्षम् ।
सच्चिन्मयं देवमनन्तरूपं बालं मुकुन्दं मनसा स्मरामि ॥ 8 ॥
BALA MUKUNDASHTAKAM
This document is in romanized sanskrit according to IAST standard English.
karāravindēna padāravindaṃ mukhāravindē vinivēśayantam ।
vaṭasya patrasya puṭē śayānaṃ bālaṃ mukundaṃ manasā smarāmi ॥ 1 ॥
saṃhṛtya lōkānvaṭapatramadhyē śayānamādyantavihīnarūpam ।
sarvēśvaraṃ sarvahitāvatāraṃ bālaṃ mukundaṃ manasā smarāmi ॥ 2 ॥
indīvaraśyāmalakōmalāṅgaṃ indrādidēvārcitapādapadmam ।
santānakalpadrumamāśritānāṃ bālaṃ mukundaṃ manasā smarāmi ॥ 3 ॥
lambālakaṃ lambitahārayaṣṭiṃ śṛṅgāralīlāṅkitadantapaṅktim ।
bimbādharaṃ cāruviśālanētraṃ bālaṃ mukundaṃ manasā smarāmi ॥ 4 ॥
śikyē nidhāyādyapayōdadhīni bahirgatāyāṃ vrajanāyikāyām ।
bhuktvā yathēṣṭaṃ kapaṭēna suptaṃ bālaṃ mukundaṃ manasā smarāmi ॥ 5 ॥
kalindajāntasthitakāliyasya phaṇāgraraṅgēnaṭanapriyantam ।
tatpucChahastaṃ śaradinduvaktraṃ bālaṃ mukundaṃ manasā smarāmi ॥ 6 ॥
ulūkhalē baddhamudāraśauryaṃ uttuṅgayugmārjuna bhaṅgalīlam ।
utphullapadmāyata cārunētraṃ bālaṃ mukundaṃ manasā smarāmi ॥ 7 ॥
ālōkya māturmukhamādarēṇa stanyaṃ pibantaṃ sarasīruhākṣam ।
saccinmayaṃ dēvamanantarūpaṃ bālaṃ mukundaṃ manasā smarāmi ॥ 8 ॥
సమర్పణ: శ్రీనివాస్ వాడరేవు - Principal Applied Scientist Lead, Microsoft Bing, Sunnyvale, CA - USA
