శ్రీరామ జన్మభూమి మందిర నిర్మాణంలో మనమూ పాలుపంచుకుందాం – SC.,ST., హక్కుల సంక్షేమ వేదిక పిలుపు !

    శ్రీ రాముడు మంచి పరిపాలనను అందించిన గొప్ప చక్రవర్తి. మిత్రత్వం, సోదర భావం,సామాజిక సమతలకు ప్రతీక. మన చరిత్రలో అనేక మంది రాజులు,చక్రవర్తులు ప్రజలను పాలించారు. శ్రీ రాముడు అందించిన రామరాజ్యం అంటే అన్ని విధాలా ప్రజా రంజక పరిపాలన. మిత్రుడైన వనవాసీ గిరిజన రాజు గుహుని పట్ల మిత్రత్వం, నిమ్న కులానికి చెంది, ఉన్నత భక్తికి సంకేతమైన శబరిమాత పట్ల ఆత్మీయత, సీతమ్మ రక్షణలో అశువులు బాసిన జటాయువుకు స్వయంగా అంత్యక్రియలు చేయడం, సోదరుడు లక్ష్మణుడు ప్రమాదంలో ఉన్నపుడు శ్రీ రాముడు సొదరునికై విలపించిన తీరు, ధర్మ రక్షణకై అన్ని విధాలా నిలబడ్డ హనుమంతుని పట్ల చూపిన ప్రేమ శ్రీ రాముని వ్యక్తిత్వాన్ని తెలియచేసే కొన్ని ఉదాహరణలు. ఒకే మాట, ఒకే బాణం, ఒకే పత్ని, ధర్మానికి ప్రతీక అయిన శ్రీ రాముని జన్మభూమి ఆయోధ్య మందిర నిర్మాణంలో SC.,ST.,వర్గాల ప్రజలమైన మనము కూడా పాలు పంచు కావాలని SC.,ST.,హక్కుల సంక్షేమ వేదిక పిలుపునిస్తోంది.