అమర్‌నాథ్‌ యాత్రకు వెళ్లదలిచిన వారు ఈ సారి కేవలం ఆన్‌లైన్‌లో దరఖాస్తు చేసుకోవాల్సి ఉంటుంది. లాటరీ విధానంలో టికెట్లను ఎంపిక చేస్తారు. కేవలం 4 నుంచి 5 వేల మంది యాత్రికులను మాత్రమే ఎంపిక చేయనున్నారు. 55 ఏళ్లు పైబడిన వారికి యాత్రకు అనుమతించరు. సాధువులకు మాత్రం ఈ విషయంలో మినహాయింపు ఉంటుంది. అలాగే యాత్రికులకు కొవిడ్‌-19 పరీక్షలు చేస్తారు. లక్షణాలు లేనివారికి మాత్రమే యాత్రకు అనుమతిస్తారు. తొలిసారిగా ఉదయం, సాయంత్రం లైవ్‌ హారతి కార్యక్రమం నిర్వహించనున్నట్లు అమర్‌నాథ్‌ దేవస్థానం బోర్డు తెలిపింది.
