వీరీ గుమ్మడి పండు వీరి పేరేమీ - Veri Veri Gummadi Pandu

కాళ్ళా గజ్జ కంకాళమ్మా

వేగు చుక్క వెలగ మొగ్గ

మొగ్గ కాదు మోటానీరు

నీరు గాదు నిమ్మల బావి

బావి కాదు బచ్చలి కూర

కూరా కాదు గుమ్మడి పండు

పండు కాదు పాప కాలు

కాలు తీసి కడగా పెట్టు. 

కాళ్ళాగజ్జ కంకాళమ్మ అంటే గుర్తొచ్చింది, దాగుడు మూతలు ఆడేముందు దొంగని డిసైడ్ చేయడానికి చేతి పంటలు వేసుకునే బదులు, అందరం కింద రౌండుగా కాళ్ళు చాపుకుని కూర్చుని ఇదే పాటని బాగా కుదించి

కాళ్ళా గజ్జ కంకాళమ్మా

వేగు చుక్క వెలగ పండు

కాలు తీసి కడగా పెట్టు.

అని అంటూ చేత్తో కాళ్ళు చూపుతు "కడగాపెట్టు" అన్న పదం ఎవరి కాలి మీదకి వస్తే వాళ్ళు పంటైనట్లు చివరిగా మిగిలిపోయిన వాళ్ళని దొంగగా నిర్ణయించేసే వాళ్ళం. ఈ దాగుడు మూతలు ఆటకి ఉపయోగించే మాటలు కూడా పాటలాగానే ఉంటాయ్ కదా.. కాకపోతే మన అమ్మో లేదా మన టీంలో పెద్దవాళ్ళో పాడేస్తారు .

వీరీ వీరీ గుమ్మడి పండు వీరి పేరేమీ

రాముడు , ఆ రాముడు వెళ్ళి దాక్కో

దాగుడు మూతల దండాకోర్

పిల్లి వచ్చే ఎలుక చోర్

ఎక్కడి దొంగలక్కడే..

గప్ చుప్.. సాంబార్ బుడ్డీ