కాలము - దాని వివరణ:- Kaalamu

కాలము - దాని వివరణ

కాలమానము

రెండు నెలలకు ఒక ఋతువుగా వాటి దినములలో నుండు కాలధర్మములను బట్టి ఋతువు అని పిలుచుచున్నాము. సంవత్సరములోని నెలలను 6 ఋతువులుగా నిర్ణయించబడినది భూమి తనచుట్టుతాను తిరుగుతూ, సూర్యుని చుట్టు తిరిగే సంవత్సరకాలంలో సగకాలము సూర్యునికి దగ్గరగాను, మిగతా సగకాలం సూర్యునికి దూరంగాను ఉండును. అందువలన సూర్యుడు ఉత్తరమునుండి దక్షిణమునకు, దక్షిణమునుండి ఉత్తరమునకు ప్రయాణము చేయుచున్నట్లు కనబడును. సూర్యుడు ఉత్తరము దిక్కుగా ప్రయాణము చేయుచున్నట్లు

కనబడుకాలమునకు ఉత్తరాయణము. దక్షిణపు దిక్కుగా ప్రయాణము చేయుకాలమును దక్షిణాయనము అందురు.

సంవత్సరలెక్కల కోసం ఈ శకములు ప్రారంభమైనది. పూర్వం మనదేశంలో అనేక శకములు వాడుకలో ఉండెను. వాటిలో ముఖ్యమైనవి. 1.శాలివాహన శకము. 2. విక్రమార్కశకము శాలివాహన

శకము దక్షిణదేశంలోను, విక్రమార్కశకము ఉత్తరదేశంలోను వాడుచుండిరి.

మనకు స్వాతంత్య్రము వచ్చిన తరువాత మన భారత ప్రభుత్వము ఇటువంటి వేరువేరు భావములుండరాదని, దేశమునకు మొత్తము ఒకే జాతీయ శకము ఉండవలెనని, శాలివాహన శకమును జాతీయ శకముగా నిర్ణయించారు.

యుగములు నాలుగు:

1. కృత యుగము. 2. త్రేతా యుగము. 3. ద్వాపరయుగము, 4. కలి యుగము

• కృత యుగము - 17,28,000 సంవత్సరములు.
• త్రేతా యుగము - 12,96,000 సంవత్సరములు.
• ద్వాపర యుగము - 8,64,000 సంవత్సరములు.
• కలి యుగమునకు - 4,32,000 సంవత్సరములు.